Maruti Suzuki Discount: మారుతి కార్ల ప్రియులకు గుడ్న్యూస్.. ఈ కార్లపై రూ.54,000 వరకు తగ్గింపు
ప్రముఖం కార్ల తయారీ కంపెనీ మారుతి సుజుకీ తన కస్టమర్లకు తగ్గింపు ఆఫర్ అందిస్తోంది. మారుతి కార్లలో పలు మోడళ్లపై భారీ ఎత్తున తగ్గింపు అందిస్తోంది..
మార్చి 2023లో మారుతి సుజుకి కార్లను కొనుగోలు చేసే వారికి భారీ తగ్గింపులు లభిస్తాయి. దేశంలోని అతిపెద్ద కార్ల తయారీ సంస్థ ఈ నెలలో ఎంపిక చేసిన నెక్సా మోడళ్లపై రూ.54,000 వరకు తగ్గింపును అందిస్తోంది. మీరు మారుతి సుజుకి ఇగ్నిస్, బాలెనో లేదా సియాజ్ కొనుగోలు చేస్తే ఈ తగ్గింపుల ప్రయోజనాన్ని పొందవచ్చు.
మారుతి సుజుకి ఇగ్నిస్: మారుతి నెక్సా చౌక కారు ఇగ్నిస్ను కొనుగోలు చేస్తే గరిష్ట తగ్గింపు లభిస్తుంది. ఈ కారుపై కంపెనీ రూ.54,000 వరకు తగ్గింపును ఇస్తోంది. ఇందులో దాదాపు రూ.35,000 నగదు తగ్గింపు, రూ.15,000 ఎక్స్చేంజ్ బోనస్, రూ.4,000 కార్పొరేట్ బోనస్ ఉన్నాయి.
ఇది కాకుండా, ఇగ్నిస్ ఆటోమేటిక్ వేరియంట్లపై మొత్తం రూ.34,000 తగ్గింపు అందిస్తోంది. ఇందులో రూ. 15,000 ఎక్స్చేంజ్ ఆఫర్, రూ. 4,000 కార్పొరేట్ డిస్కౌంట్ ఉన్నాయి. మారుతి ఇగ్నిస్ హ్యుందాయ్ గ్రాండ్ ఐ10 నియోస్ ఫేస్లిఫ్ట్, టాటా టియాగో వంటి వాటికి ప్రత్యర్థిగా ఉంది.
మారుతి సుజుకి బాలెనో: ఫిబ్రవరి 2023 డేటా ప్రకారం.. మారుతి బాలెనో దేశంలో అత్యధికంగా అమ్ముడవుతున్న కారు. మారుతి నెక్సా డీలర్లు ఈ కారుపై రూ.35,000 వరకు తగ్గింపును అందిస్తున్నారు. అయితే, బాలెనో ఆటోమేటిక్, సీఎన్జీ వేరియంట్లపై తగ్గింపు ఉండదు.
మారుతి సుజుకి సియాజ్: మారుతి సియాజ్ రూ. 28,000 వరకు తగ్గింపును పొందుతోంది. ఈ ఆఫర్ దాని మాన్యువల్, ఆటోమేటిక్ వేరియంట్లలో అందుబాటులో ఉంది. డిస్కౌంట్ ఆఫర్లు నగరం నుంచి నగరానికి మారవచ్చు. ఈ ఆఫర్లు మోడల్ స్టాక్పై ఆధారపడి ఉంటాయి. మరిన్ని వివరాల కోసం మారుతి సుజుకి షోరూమ్ని సందర్శించండి.