Droupadi Murmu: వామ్మో రాష్ట్రపతి నుంచి మెసేజ్.. సంబరపడుతూ ఏంటా అని ఓపెన్ చేయగా..

Cyber Scammers Creates Fake

ఫేక్ సోషల్ మీడియా ఖాతాలను ఉపయోగించి ప్రజలను మోసం చేయడం, డబ్బు వసూలు చేయడం సైబర్ స్కామర్‌లకు సర్వసాధారణం అయిపోయింది. ఇప్పటి వరకు ఈ వలలో సెలబ్రిటీలు, ఉన్నతాధికారులు పడగా, తాజాగా ఈ మోసాలు తారా స్థాయికి చేరాయి. తాజాగా సైబర్ నేరగాళ్లు భారత రాష్ట్రపతి ద్రౌపది ముర్ము‌పై ఫేక్ ఎకౌంట్లు సృష్టించారు.

ఇటీవల జార్ఖండ్‌లోని హజారీబాగ్‌కి చెందిన సోనీ మంటూకి రాష్ట్రపతి ద్రౌపది ముర్ము‌ ప్రొఫైల్ పిక్చర్‌తో ఉన్న ఖాతా నుంచి ఓ మెసేజ్ వచ్చింది. మొదట సోనీ మంటూకి ఆ ఎకౌంట్ నుంచి ఫ్రెండ్ రిక్వెస్ట్ వచ్చింది. నేను ఫేస్‌బుక్‌ను చాలా తక్కువ వాడుతాను , నాకు మీ వాట్సాప్ నంబర్ పంపండి అంటూ సోనీ మంటూకి ఓ మెసేజ్ వచ్చింది. మంటూ తన నంబర్ అతనికి పంపాడు. కొన్ని గంటల తర్వాత, ఫేస్‌బుక్ మెసెంజర్‌లో మెసేజ్ వచ్చిందని, మీ వాట్సాప్ కోడ్‌ని వచ్చిందని, ఆ కోడ్ త్వరగా పంపించాలని సోనీ మంటూ ఆ వ్యక్తి కోరాడు. ఇది ఎదో తేడగా ఉందని గ్రహించిన సోనీ మంటూ రాష్ట్రపతి భవన్, జార్ఖండ్ పోలీసులను ట్యాగ్ చేస్తూ ‘X’లో వివరాలను షేర్ చేశాడు.

ఈ ట్విట్ చూసిన  రాంచీ పోలీసులు వెంటనే అప్రమత్తమై ఫేస్‌బుక్ పోస్ట్‌కు స్పందించారు. సోనీ మంటూను సంప్రదించి  వివరాలను పోలీసులు అడిగి తెలుసుకున్నారు. ఎవరు చేశారనే కోణంలో పోలీసులు దర్యాప్తు ప్రారంభించారు. దీనిపై దర్యాప్తు చేస్తున్నామని ఎస్‌ఎస్పీ రాంచీ చందన్ సిన్హా తెలిపారు. ఈ కేసుకు సంబంధించిన అన్ని వివరాలను పరిశీలించి సమగ్ర దర్యాప్తు చేయాలని ఏజెన్సీలను కోరామని ఆయన చెప్పారు.

మరిన్ని జాతీయ వార్తల కోసం ఇక్కడ క్లిక్ చేయండి