Rahul Gandhi family: గాంధీ కుటుంబం మొత్తం క్వాలిటీ రెస్టారెంట్‌లో ప్రత్యక్షం.. ఐకానిక్ రెస్టారెంట్‌లో లంచ్..!
చలికాలంలో వేడి వేడి రుచికరమైన ఆహారాన్ని రుచి చూడడానికి ఎవరు ఇష్టపడరు..! ఈ క్రమంలోనే గాంధీ ఫ్యామిలీ కూడా ఈ సీజన్‌ని ఫుల్‌గా ఎంజాయ్ చేస్తోంది. సోనియా గాంధీ, రాహుల్ గాంధీ, ప్రియాంక గాంధీ, రాబర్ట్ వాద్రాలు ఓ రెస్టారెంట్‌లో భోజనం చేస్తూ కనిపించారు. ఈ ప్రత్యేక సందర్భానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
కాంగ్రెస్ ఎంపీ, లోక్‌సభ ప్రతిపక్షనేత రాహుల్ గాంధీ ఆదివారం(డిసెంబర్ 22) ఢిల్లీలో తన కుటుంబంతో కలిసి చోలా-భతురాను తింటూ కనిపించారు. ఆయన వెంట తల్లి సోనియా గాంధీ, సోదరి ప్రియాంక గాంధీ, బావ రాబర్ట్ వాద్రా, మేనకోడలు మిరాహా కూడా ఉన్నారు. రాబర్ట్ వాద్రా తల్లి మౌరీన్ కూడా హాజరయ్యారు.
లోక్‌సభ ఎన్నికలు 2024 నుండి అసెంబ్లీ ఎన్నికల వరకు నెలల తరబడి సాగిన ఎన్నికల ప్రచారాల తర్వాత, ఆదివారం గాంధీ కుటుంబానికి విశ్రాంతి, రిఫ్రెష్ వారాంతంగా గడిపింది. రాహుల్ గాంధీ,అతని సోదరి ప్రియాంక కాంగ్రెస్ ఎంపీలుగా కొనసాగుతున్న సంగతి తెలిసిందే. తమ అధికారిక కార్యక్రమాల నుండి విరామం తీసుకుని, నగరంలోని ఐకానిక్ క్వాలిటీ రెస్టారెంట్‌కు వచ్చారు. కొంత సమయాన్ని కుటుంబసభ్యులతో కలిసి గడిపారు. వారి వెంట తల్లి సోనియా గాంధీ, ప్రియాంక భర్త రాబర్ట్ వర్దా, కూతురు మిరాయా వాద్రా, ప్రియాంక అత్తగారు కూడా ఉన్నారు. లంచ్ టైమ్‌లో రాహుల్ తన కుటుంబంతో సహా కన్నాట్ ప్రాంతానికి చేరుకున్నారు. ఇక్కడి ప్రసిద్ధ క్వాలిటీ రెస్టారెంట్‌లో అందరూ చోలా-భతురా తిన్నారు. రాహుల్ లంచ్ ఫోటోలు సోషల్ మీడియాలో షేర్ అవ్వడంతో తెగ వైరల్ అవుతున్నాయి.
రాహుల్ గాంధీ తన వాట్సాప్ స్టేటస్‌లో కుటుంబంతో కలిసి కూర్చుని భోజనం చేస్తున్న కొన్ని ఫోటోలను కూడా పంచుకున్నారు. సోషల్ మీడియాలో వచ్చిన ఈ చిత్రాలు నెటిజన్ల నుండి అనేక లైక్‌లు, కామెంట్స్ కూడా చేశారు. వీరిలో చాలామంది డైనింగ్ టేబుల్‌పై కొన్ని ప్రత్యేక క్షణాలను పంచుకున్న కుటుంబాన్ని అభినందించారు. ఫోటోలలో, రాహుల్ ఇతర కుటుంబ సభ్యులు రెస్టారెంట్‌లోని హాయిగా కూర్చుని వారి ముఖాలపై విశాలమైన చిరునవ్వులు చిందిస్తూ కనిపించారు. రాహుల్ తన స్టేటస్‌పై ఫోటోలను ఉంచుతూ, “ఐకానిక్ క్వాలిటీ రెస్టారెంట్‌లో కుటుంబ భోజనం” అని రాశారు.
LoP Rahul Gandhi Ji has shared these beautiful pictures on his Instagram account.. —
“Family lunch at the iconic Kwality Restaurant. Try the Chole Bhature if you go.” pic.twitter.com/NIfZfH0TK6
— Shantanu (@shaandelhite) December 22, 2024
ఇక్కడ మరో విశేషం ఉంది. ముగ్గురు పార్లమెంటేరియన్‌లు గాంధీ కుటుంబం నుండి ప్రస్తుతం ప్రాతినిధ్యం వహిస్తున్నారు. రాహుల్ గాంధీ ప్రతిపక్ష నాయకుడు (LoP) అలాగే రాయ్‌బరేలీ నుండి ఎంపీ, అతని సోదరి ప్రియాంక వయనాడ్ నుండి MP, తల్లి సోనియా గాంధీ — కాంగ్రెస్ మాజీ అధ్యక్షురాలు — రాజ్యసభ సభ్యురాలుగా కొనసాగుతున్నారు. ఇక ఢిల్లీలోని కన్నాట్ ప్లేస్‌లో ఉన్న క్వాలిటీ రెస్టారెంట్‌కు స్వాతంత్య్రానికి పూర్వం అమెరికన్ సైనికులు ఆదరించారు. అనేక దశాబ్దాలుగా, రెస్టారెంట్ దాని పరిశీలనాత్మకమైన బహుళ-ఖండాంతర వంటకాల కారణంగా వ్యసనపరులకు ఇష్టమైన ఫుడ్ కేంద్రంగా మిగిలిపోయింది.
రాహుల్ గాంధీ గత ఏడాది మే 2023లో ఢిల్లీలో రాత్రిపూట స్ట్రీట్ ఫుడ్ తింటూ కనిపించారు. అతను బెంగాలీ మార్కెట్‌లో గోల్గప్పా, పాత ఢిల్లీలోని జామా మసీదులో నమ్‌కీన్ తినడం కనిపించారు. ఇక్కడ అతను జామా మసీదులోని ప్రసిద్ధ మొహబ్బత్-ఎ-షర్బత్ తాగారు.
మరిన్ని జాతీయ వార్తల కోసం ఇక్కడ క్లిక్ చేయండి..