అమెరికా ఉపాధ్యక్షుని ‘కరోనా బృందం’లో ‘ఆమె’కు పాజిటివ్ !

అమెరికా ఉపాధ్యక్షుడు మైక్ పెన్స్ నేతృత్వంలోని కరోనా వైరస్ టాస్క్ ఫోర్స్ గ్రూపులో మహిళా అధికార ప్రతినిధి కేటీ మిల్లర్ కి కరోనా పాజిటివ్ సోకింది. వర్జీనియాలో పెన్స్ తో కలిసి ఆమె ఓ నర్సింగ్ హోమ్ లో జరిగిన కార్యక్రమంలో పాల్గొంది. అధ్యక్షుడు ట్రంప్ సలహాదారుల్లో ఒకరైన స్టీఫెన్ మిల్లర్ ని పెళ్లి చేసుకున్న కేటీ మిల్లర్  ను ట్రంప్ అదే పనిగా పొగుడుతుంటారు. ఆమె తనతో కాంటాక్ట్ కాలేదని, అయితే మైక్ పెన్స్ తో కల్సి ప్రభుత్వ కార్యక్రమాల్లో పాల్గొంటోందని ఆయన చెప్పారు. (పెన్స్ కి నెగెటివ్ వఛ్చిన సంగతి తెలిసిందే).ఇటీవలే ట్రంప్ సహాయకుల్లో ఒకరికి కరోనా పాజిటివ్ రావడం, ఇప్పుడు తాజాగా కేటీ మిల్లర్ కి కూడా ఇది సోకడంతో వైట్ హౌస్ లో కలవరం మొదలైంది. కాగా..వైట్ హౌస్ లో ట్రంప్, మైక్ పెన్స్ తో బాటు ప్రతివారూ కరోనా టెస్టులు చేయించుకుంటున్నారు.