కేంద్ర మంత్రి సంతోష్ గ్యాంగ్వర్ కుటుంబంలో 6 గురికి కరోనా పాజిటివ్

కేంద్ర మంత్రి సంతోష్ గ్యాంగ్వర్ భార్యకు, ఆయన కుటుంబ సభ్యుల్లో మరో ఆరుగురికి కోవిడ్ 19 పాజిటివ్ సోకింది. ఈ విషయాన్ని ఆయనే స్వయంగా తెలియజేశారు. తనకు నెగెటివ్ రిపోర్టు వచ్చిందన్నారు.   తన కుటుంబ సభ్యులు ఇటీవల ఢిల్లీ వెళ్లారని, బహుశా అక్కడే ఇన్ఫెక్షన్ సోకినట్టు భావిస్తున్నానని ఆయన చెప్పారు. వీరందరినీ ఫరీదాబాద్ లోని ఈ ఎస్ ఐ ఆసుపత్రిలో చేర్చారు. తమ ఫ్యామిలీ వంటమనిషి కూడా అస్వస్థత పాలవడంతో మరో హాస్పిటల్ లో అడ్మిట్ అయినట్టు సంతోష్ తెలిపారు. నా మంత్రిత్వ శాఖలో కొందరు అధికారులకు కరోనా వైరస్ పాజిటివ్ సోకిందని, వారినందరినీ క్వారంటైన్ లో ఉండాల్సిందిగా డాక్టర్లు సూచించారని ఆయన చెప్పారు. యూపీలోని  బెరైలీ లోక్ సభ నియోజకవర్గానికి ఈయన ప్రాతినిధ్యం వహిస్తున్నారు.