ప్రస్తుతం కరోనా వైరస్ ప్రజలను పట్టి పీడిస్తున్న సంగతి తెలిసిందే. ముఖ్యంగా అగ్రరాజ్యం అమెరికా చిగురుటాకులా వణికిపోతుంది. అటు దేశ వ్యాప్తంగా కూడా కరోనా పాజిటివ్ కేసులు లక్షకి చేరువలో ఉన్నాయి. ప్రస్తుతం గత 50 రోజుల నుంచి ప్రజలందరూ ఇళ్లకే పరిమితమయ్యారు. అందులోనూ రోజువారీ కూలీల పరిస్థితి మరీ దారుణంగా మారింది. అయితే వారి పరిస్థితే కాదు.. లాక్డౌన్ ఇంకా పొడిగిస్తే.. తమ పరిస్థితి కూడా అంతేనంటూ సినీ నటుడు బ్రహ్మాజీ సోషల్ మీడియాలో ఓ ట్వీట్ చేశాడు. ప్రస్తుతం ఆ ట్వీట్ వైరల్గా మారింది.
ప్రస్తుతం సినిమా షూటింగ్స్ అన్నీ బంద్ అయిపోయాయి. దీంతో ఎప్పుడూ షూటింగులతో బిజీగా ఉండే సినీ ప్రముఖులందరూ.. 50 రోజులుగా ఇంటికే పరిమితమయ్యారు. అయితే లాక్డౌన్ ఎప్పుడు ఎత్తేస్తారా? అని దేశ వ్యాప్తంగా ప్రజలు ఎదురుచూస్తోన్న విషయం తెలిసిందే. కానీ మరోవైపు భారత్లో రోజురోజుకీ కరోనా పాజిటివ్ కేసులు పెరుగుతూనే ఉన్నాయి. ఈ నేపథ్యంలో ఇప్పుడు కూడా లాక్డౌన్ని పొడిగించే అవకాశమే కనిపిస్తోంది. ఈ క్రమంలో నటుడు బ్రహ్మాజీ ఓ ట్వీట్ చేశాడు. ‘లాక్డౌన్ ఇంకా పొడిగిస్తే మా పరిస్థితి కూడా ఇదే’ అంటూ ఇన్స్టాగ్రామ్లో.. చేతిలో చిప్ప పట్టుకుని కూర్చొని ఉన్న తన పాత ఫొటో ఒకటి పోస్ట్ చేశారు. ఈ ఫొటో చూసిన నెటిజన్స్ నవ్వుకుంటూ.. కామెంట్స్ చేస్తున్నారు.
Read More:
లాక్డౌన్లో సైలెంట్గా.. ఓ ఇంటివాడైన జబర్దస్త్ కమెడియన్
గుడ్న్యూస్: అక్కడ విద్యార్థులకు టెన్త్ పరీక్షలు లేవు.. డైరెక్ట్ పాస్!