చిరుత పులిని తరిమికొట్టిన ముళ్ల పంది..!

నిన్నేమో.. పైథాన్-చిరుతల భయంకరమైన పోరాటం చూశాం. ఇప్పుడు ముళ్లపంది-చిరుత మధ్య పోరాటం చూశారా..? పైథాన్-చిరుతల కంటే.. ఈ పోటీ ఫుల్ రివర్స్‌గా సాగింది. అయినా.. చిరుతను చూస్తే ఎవరైనా భయపడాల్సిందేనా..? మరి ఈ రెండింటి పోరాటంలో.. ఎవరు గెలిచారు..?

ఇండియన్ ఫారెస్ట్ అధికారి ప్రవీన్ కశ్వాన్ చేసిన పోస్ట్ ఇప్పుడు.. సోషల్ మీడియాలో ఫుల్‌గా వైరల్ అవుతోంది. మొత్తానికి.. ముళ్లపంది దెబ్బకి.. పులి తోకముడిచింది. ఇది ఎక్కడ జరిగిందో.. ప్రవీన్ ప్రస్తావించలేదు కానీ.. ఓ రహదారిపై.. ముళ్ల పంది-చిరుత మధ్య జరిగిన పోరాటాన్ని వీడియో తీశాడు. సాధారణంగా.. పులిని చూసి ఎలాంటి జంతువైనా భయపడుతుంది. కానీ.. ముళ్ల పంది దెబ్బకు పులి.. తన దారిన తాను వెళ్లిపోయింది. ముందు ముళ్ల పందితో.. కయ్యానికి కాలు దువ్విన పులి.. దాని ముళ్లు.. మొఖానికి గుచ్చుకోవడంతో.. చాలాసేపు విలవిల్లాడిపోయింది. దాన్ని ఎందుకు మళ్లీ.. కదపడం అని భావించిన పులి.. దాని దారిన అది వెళ్లిపోయింది. ప్రస్తుతం ఈ వీడియో సోషల్ మీడియాలో తెగ చక్కర్లు కొడుతోంది.