ఆర్జీవీకి హీరో నిఖిల్ స్ట్రాంగ్ కౌంటర్.. కుక్కతో పోలుస్తూ..!

Nikhil Siddhartha Strong Counter To RGV: ఒకప్పుడు సెన్సేషన్స్‌కు కేరాఫ్‌గా నిలిచిన దర్శకుడు రామ్ గోపాల్ వర్మ.. ఇప్పుడు వివాదాలకు కేంద్ర బిందువుగా మారారు. సినిమాలు, వెబ్ సిరీస్‌లు తీస్తూ ఎప్పటికప్పుడు ఏదో ఒక కాంట్రావర్సీతో వర్మ సంచలనం అవుతున్నారు. తాజాగా ఆయన ‘పవర్‌స్టార్‌’ అనే సినిమా తెరకెక్కిస్తున్న సంగతి తెలిసిందే.

న్యాయపరమైన చిక్కులను తప్పించుకునేందుకు ఈ సినిమా పవన్ కళ్యాణ్ గురించి కాదని రామ్ గోపాల్ వర్మ చెబుతున్నా.. తన అభిమాన హీరోను టార్గెట్ చేసి సినిమా తీయడంపై పవన్ ఫ్యాన్స్, పలువురు సినీ ప్రముఖులు ఆర్జీవీపై మండిపడుతున్నారు. తాజాగా దీనిపై యంగ్ హీరో నిఖిల్ ఘాటుగా స్పందిస్తూ ట్విట్టర్ వేదికగా వర్మకు స్ట్రాంగ్ కౌంటర్ ఇచ్చారు. ”శిఖరాన్ని చూసి కుక్క ఎంత మొరిగినా.. ఆ మహా శిఖరం తల తిప్పి చూడదు. మీకు అర్ధం అయిందిగా.?” అని నిఖిల్ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్‌గా మారింది.

Also Read: సుశాంత్ మరణం వెనుక రహస్యాలు.. షాకింగ్ నిజాలు.. వైరల్ వీడియో..