Cement Demand: వచ్చే ఆర్థిక సంవత్సరంలో పెరగనున్న సిమెంట్ అమ్మకాలు.. కారణమేంటో తెలుసా..?
Cement Demand Grow in 2021-22: కరోనా మహమ్మారి కారణంగా ప్రభావితమైన రంగాల్లో నిర్మాణ రంగం ఒకటి. లాక్ డౌన్ సమయంలో ఆదాయాలు భారీగా పడిపోవడంతో నిర్మాణాలపై..
Cement Demand Grow in 2021-22: కరోనా మహమ్మారి కారణంగా ప్రభావితమైన రంగాల్లో నిర్మాణ రంగం ఒకటి. లాక్ డౌన్ సమయంలో ఆదాయాలు భారీగా పడిపోవడంతో నిర్మాణాలపై పెద్దగా ఆసక్తికనబర్చలేరు. దీంతో కొత్త నిర్మాణాలు ఎక్కడిక్కడ ఆగిపోయాయి. ఈ కారణంగా సిమెంట్ అమ్మకాలు కూడా పడిపోయాయి. అయితే తాజాగా మళ్లీ ఆర్థిక వ్యవస్థ పుంజుకుంటోన్న నేపథ్యంలో సిమెంట్ అమ్మకాలు పెరుగుతున్నాయి.
ఇక వచ్చే ఆర్థిక సంవత్సరం (2021-22)లో సిమెంట్ అమ్మాకాలు భారీగా పుంజుకోనున్నాయని ప్రముఖ రేటింగ్ ఏజెన్సీ ఇక్రా తెలిపింది. 2020-21 ఆర్థిక సంవత్సరంతో పోలిస్తే.. వచ్చే ఏడాదిలో పరిశ్రమలో 18 నుంచి 20 శాతం సిమెంట్కు డిమాండ్ పెరిగే అవకాశం ఉందని తెలిపింది. గ్రామీణ ప్రాంతాల నుంచి పెరుగుతోన్న డిమాండ్తో పాటు మౌలిక రంగం తిరిగి గాడిన పడనుండడం ఈ పెరుగుదలకు కారణని ఇక్రా భావిస్తోంది. ఇక ఇదే విషయమై ఇక్రా ఏవీపీ అనుపమ రెడ్డి మాట్లాడుతూ.. ‘సకాలంలో రబీ నాట్లు పడడం, నీటి నిల్వలు పుష్కలంగా ఉండడంతో ఉత్పదకత మెరుగై.. గ్రామీణ ప్రాంతాల నుంచి సిమెంటుకు డిమాండ్ ఉంటుంది’ అని చెప్పుకొచ్చారు.