ఆస్ట్రేలియా, విండీస్ టీ20 సిరీస్ వాయిదా..

Australia West Indies T20 Series: కరోనా వైరస్ అన్నింటిని మార్చేసింది. అనేక అంతర్జాతీయ టోర్నమెంట్లు, టోర్నీలు పూర్తిగా వాయిదా పడ్డాయి. ఈ క్రమంలోనే టీ20 ప్రపంచకప్ సన్నాహక సిరీస్‌గా అక్టోబర్‌లో ఆస్ట్రేలియా, వెస్టిండీస్ జట్ల మధ్య జరగాల్సిన టీ20 సిరీస్‌ను వాయిదా వేస్తున్నట్లు క్రికెట్ ఆస్ట్రేలియా అధికారికంగా ప్రకటించింది. విండీస్ క్రికెట్ బోర్డుతో చర్చించిన తర్వాతే తాము ఈ నిర్ణయానికి వచ్చినట్లు సీఏ పేర్కొంది.

వాస్తవానికి ఆస్ట్రేలియా, వెస్టిండీస్ జట్ల మధ్య ఆస్ట్రేలియా వేదిక అక్టోబర్ 4, 6, 9 తేదీల్లో మూడు టీ20 మ్యాచులు జరగాల్సి ఉన్నాయి. అయితే కరోనా వైరస్ విజృంభణతో ఈ ఏడాది జరగాల్సిన టీ20 ప్రపంచకప్ వచ్చే సంవత్సరానికి వాయిదా పడటంతో పాటుగా.. ఐపీఎల్ కూడా అదే సమయంలో జరగనుండటంతో ఈ సిరీస్‌ను క్రికెట్ ఆస్ట్రేలియా వాయిదా వేసినట్లు తెలుస్తోంది. ఇక సెప్టెంబర్ నెలలో పరిమితి ఓవర్లలో సిరీస్ కోసం ఆస్ట్రేలియా జట్టు ఇంగ్లాండ్ వెళ్లాల్సి ఉంది. అయితే దీనిపై ఇంకా అధికారిక ప్రకటన రాలేదు.

Also Read:

గుడ్ న్యూస్.. కరోనా మందు ‘ఫావిపిరవిర్‌’.. కేవలం రూ. 35కే..

మందుబాబులకు గుడ్ న్యూస్ చెప్పిన తెలంగాణ సర్కార్..

మహిళలకు గుడ్ న్యూస్.. ఆగష్టు 12న ‘వైఎస్ఆర్ చేయూత’కు శ్రీకారం..

ప్రముఖ వాగ్గేయకారుడు వంగపండు ప్రసాదరావు కన్నుమూత..