Samantha : మజిలీ సినిమాను గుర్తు చేసుకున్న సమంత.. శ్రావణి పాత్ర ఇచ్చినందుకు థాంక్స్ అంటూ..

Samanta

అక్కినేని యంగ్ హీరో నాగచైతన్య, సమంత కలిసి నటించిన సినిమా మజిలీ. శివానిర్వాణ దర్శకత్వంలో తెరకెక్కిన ఈ సినిమా మంచి విజయాన్ని అందుకుంది. ఈ సినిమాలో చైతూ, సమంత తమ నటనతో ఆకట్టుకున్నారు. విడాకుల ముందు చైతూ సామ్ కలిసి నటించిన సినిమా ఇది. ఈ సినిమా రిలీజ్ అయ్యి 4 ఏళ్ళు పూర్తయ్యింది. ఈ సినిమాలో శ్రావణి అనే పాత్రలో నటించి మెప్పించింది సమంత. మజిలీ సినిమా ఏప్రిల్ 5 2019లో రిలీజ్ అయ్యింది. ఈ సినిమాలో నాగచైతన్య నటన ప్రేక్షకులను మెప్పించింది. అందమైన ప్రేమ కథతో పాటు ఎమోషన్స్ ను కూడా చక్కగా తెరకెక్కించారు శివ నిర్వాణ. చాలా కాలాంతర్వత నాగచైతన్య ఈ సినిమాతో హిట్ అందుకున్నారు. తాజాగా సమంత మజిలీ జ్ఞాపకాలను గుర్తు చేసుకున్నారు.

సోషల్ మీడియాలో మజిలీ మూవీ షూటింగ్ లో దిగిన ఫోటోను షేర్ చేసింది. ఈ ఫొటోలో సామ్ తో పాటు దర్శకుడు శివ నిర్వాణ కూడా ఉన్నారు. మజిలీ సినిమా సమంతకు స్పెషల్ అనే చెప్పాలి. ఈ సినిమాలో ఆమె నటనకు విమర్శకుల ప్రశంసలు దక్కాయి. మజిలీ నాలుగేళ్లు పూర్తి చేసుకున్న సందర్భంగా దర్శకుడికి కృతజ్ఞతలు తెలిపింది సామ్.

ఇక ఇప్పుడు వరుస సినిమాలతో బిజీగా ఉన్నారు సమంత, చైతన్య. సామ్ త్వరలోనే శాకుంతలం సినిమాతో ప్రేక్షకుల ముందుకురానుంది. ఈ సినిమాకు గుణశేఖర్ దర్శకత్వం వహించారు. ఈ సినిమా తర్వాత హిందీలో ఓ సినిమా చేస్తుంది సామ్. అలాగే నాగచైతన్య కస్టడీ అనే సినిమాతో ప్రేక్షకుల ముందుకు రానున్నాడు.

Samantha