Ram Charan: ఆర్ఆర్ఆర్ సక్సెస్ తర్వాత వారం రోజులు బయటకు రాని రామ్ చరణ్.. ఎందుకంటే..
ఇటీవల ఓ ఇంటర్వ్యూలో పాల్గొన్న రామ్ చరణ్ తన విజయాన్ని ఎలా ఎంజాయ్ చేస్తాడు.. అలాగే తన తండ్రి చిరంజీవి వారసత్వాన్ని కొనసాగించే ఒత్తిడిని ఎలా జయిస్తాడో చెప్పుకొచ్చాడు. అలాగే ఆర్ఆర్ఆర్ విజయం తర్వాత ఒక వారం రోజులు ఇంటి నుంచి బయటకు రాలేదని అన్నారు. కెరీర్ విషయానికి వస్తే ఎలాంటి ఒత్తిడికి లోను కానని అన్నారు.
గ్లోబల్ స్టా్ర్ రామ్ చరణ్ ప్రస్తుతం గేమ్ ఛేంజర్ చిత్రంలో నటిస్తున్న సంగతి తెలిసిందే. డైరెక్టర్ శంకర్ దర్శకత్వం వహిస్తోన్న ఈ చిత్రాన్ని పాన్ ఇండియా లెవల్లో రూపొందిస్తున్నారు. ఇందులో బాలీవుడ్ బ్యూటీ కియారా అద్వానీ కథానాయికగా నటిస్తుండగా.. అంజలి, శ్రీకాంత్ కీలకపాత్రలు పోషిస్తున్నారు. కొన్ని నెలలుగా ఈ మూవీ షూటింగ్ శరవేగంగా జరుగుతుంది. ఇటీవల ఓ ఇంటర్వ్యూలో పాల్గొన్న రామ్ చరణ్ తన విజయాన్ని ఎలా ఎంజాయ్ చేస్తాడు.. అలాగే తన తండ్రి చిరంజీవి వారసత్వాన్ని కొనసాగించే ఒత్తిడిని ఎలా జయిస్తాడో చెప్పుకొచ్చాడు. అలాగే ఆర్ఆర్ఆర్ విజయం తర్వాత ఒక వారం రోజులు ఇంటి నుంచి బయటకు రాలేదని అన్నారు. కెరీర్ విషయానికి వస్తే ఎలాంటి ఒత్తిడికి లోను కానని అన్నారు.
రామ్ చరణ్ మాట్లాడుతూ.. “నాకు ఒత్తిడిని ఎలా తీసుకోవాలి అనే విషయం తెలియదు. నిజానికి సినిమా బాగా ఆడినప్పుడు నేను పార్టీ చేసుకుంటాను. కానీ ఆర్ఆర్ఆర్ సక్సెస్ అయ్యాక మాత్రం ఒక వారం రోజులు నేను ఇంటి నుంచి బయటకు రాలేదు. ఆ సమయంలో నేను పూర్తిగా విశ్రాంతి తీసుకున్నాను. అలాగే నా కుటంబంతో కలిసి పూర్తిగా సమయాన్ని ఆస్వాదించాను. అన్ని సినిమా విజయాల కంటే ఆర్ఆర్ఆర్ నాకు ప్రత్యేకంగా ఉంది” అంటూ చెప్పుకొచ్చారు. చిరంజీవి కుమారుడిగా.. తండ్రి వారసత్వాన్ని కొనసాగించే విషయంలో ఒత్తిడికి గురవుతున్నారా..? అని అడగ్గా.. దాని గురించి ఎలాంటి ఆలోచన లేదని.. కేవలం తన సినిమాలపై మాత్రమే ఫోకస్ చేసినట్లు తెలిపారు. “ప్రతి రోజు ఏం చేస్తున్నాము.. అదే ముఖ్యమని నేను నమ్ముతున్నాను” అని అన్నారు.
డైరెక్టర్ రాజమౌళి తెరకెక్కించిన ఆర్ఆర్ఆర్ సినిమాలో ఎన్టీఆర్ కూడా ప్రధాన పాత్ర పోషించగా.. శ్రియా, అజయ్ దేవగణ్, అలియా భట్ కీలకపాత్రలు పోషించారు. 2022లో విడుదలైన ఈ సినిమా భారీ విజయాన్ని అందుకుంది. ఈ చిత్రానికి ఎంఎం కీరవాణి మ్యూజిక్ అందించగా.. ఇందులో నాటు నాటు పాటకు ఆస్కార్ అవార్డ్ వరించిన సంగతి తెలిసిందే.
మరిన్ని సినిమా వార్తల కోసం ఇక్కడ క్లిక్ చేయండి.