OTT Movie: బావిలో బయటపడ్డ అస్థిపంజరం.. ఇవాళే ఓటీటీలోకి వచ్చిన సూపర్ హిట్ తమిళ్ మూవీ.. తెలుగులోనూ చూడొచ్చు
కొన్ని రోజుల క్రితమే థియేటర్లలో విడుదలైన ఈ సినిమా సూపర్ హిట్ గా నిలిచింది. బాక్సాఫీస్ వద్ద మంచి వసూళ్లతో పాటు విమర్శకుల ప్రశంసలు కూడా అందుకుంది. ఇప్పుడీ సినిమా స్ట్రీమింగ్ కు వచ్చింది. ఒరిజినల్ వెర్షన్ తమిళంతో పాటు తెలుగులోనూ స్ట్రీమింగ్ అవుతోంది.
ఎప్పటిలాగే ఈ వారం కూడా ఓటీటీలో పలు కొత్త సినిమాలు, వెబ్ సిరీస్ లు స్ట్రీమింగ్ కు రానున్నాయి. దృశ్యం 3, అతిరథి, ఎమ్4ఎమ్, సేవ్ ద టైగర్స్ 3 వంటి ఆసక్తికరమైన సినిమాలు, వెబ్ సిరీస్ లు ఓటీటీల్లో సందడి చేయనున్నాయి. అయితే మంగళవారం (జూన్ 16) అర్ధరాత్రి నుంచే ఒక ఇంట్రెస్టింగ్ మూవీ ఓటీటీలోకి వచ్చేసింది. ఇదొక తమిళ మిస్టరీ మూవీ. ఇప్పుడు తెలుగులోనూ స్ట్రీమింగ్ కు వచ్చేసింది. కొన్ని రోజుల క్రితం ఈ మూవీ థియేటర్లలో విడుదలైనప్పుడు సూపర్బ్ రెస్పాన్స్ వచ్చింది. బాక్సాఫీస్ వద్ద మంచి వసూళ్లను రాబట్టింది. అలాగే కంటెంట్ పరంగా విమర్శకుల ప్రశంసలు కూడా అందుకుంది. ఐఎమ్ డీబీలోనూ ఈ మూవీకి టాప్ రేటింగ్ దక్కడం విశేషం. ఈ సినిమా కథ విషయానికివస్తే.. తమిళనాడులోని తీవ్ర కరవు ప్రాంతమైన ఒక చిన్న పల్లెటూరు చుట్టూ ఈ కథ తిరుగుతుంది. ఆ ఊరిలో మణివాసగర్ అనే గుడి పూజారి ఉంటాడు. అతను ఒక అమ్మాయిని ప్రేమిస్తాడు. కానీ ఆమె తండ్రి మాత్రం ఈ పెళ్లికి ఒక కండీషన్ పెడతాడు. అదేంటంటే.. ఊరిలో నీటి సమస్య తీరితేనే పెళ్లికి ఒప్పుకుంటానంటాడు.
దీంతో మణి తన ఇంటి ముందే బావి తవ్వడం మొదలు పెడతాడు. తీరా చూస్తే అక్కడ తాగు నీటికి బదులు 66 మిలియన్ల ఏళ్ల క్రితం నాటి డైనోసార్ అస్థిపంజరం బయటపడుతుంది. మరి ఆ తర్వాత ఏం జరిగింది? ఆ ఊరి నీటి సమస్య తీరిందా? హీరో, హీరోయిన్లు పెళ్లి చేసుకున్నారా? అన్నది తెలియాలంటే ఈ సినిమా చూడాల్సిందే. కమర్షియల్ హంగులతో పాటు ఓ సామాజిక సమస్య నేపథ్యంలో తెరకెక్కిన ఈ సినిమా పేరు ‘కెనతా కాణోమ్’ (Kenatha Kanom). ప్రముఖ కమెడియన్ యోగి బాబు ఇందులో హీరోగా నటించడం విశేషం. దర్శకుడు సురేష్ సంగయ్య మరణించడానికి ముందు తెరకెక్కించిన సినిమా ఇది. ప్రస్తుతం ఈ సినిమా జియో హాట్ స్టార్ లో స్ట్రీమింగ్ అవుతోంది. తమిళంతో పాటు తెలుగు వెర్షన్ కూడా అందుబాటులో ఉంది. గ్రామీణ నేపథ్యం ఉన్న సినిమాలు, అలాగే మిస్టరీ మూవీస్ చూడాలనుకునేవారికి ‘కెనతా కాణోమ్’ బెస్ట్ మూవీ అని చెప్పుకోవచ్చు.
జియో హాట్ స్టార్ లో స్ట్రీమింగ్..
Ponna vida veedu dhan mukiyama? 😱#KenathaKanom now streaming only on #JioHotstar #KenathaKanomOnJioHotstar #KenathaKanomNowStreaming #KenathaKanomOnJHS #JioHotstarTamil @iYogiBabu @LovelynChand @RaichalRabecca #ActorRamakrishnan @sureshsangaiah @Thiyagudop1 @nivaskprasanna… pic.twitter.com/Mw0EpTVheg
— JioHotstar Tamil (@JioHotstartam) June 16, 2026
మరిన్ని సినిమా వార్తల కోసం ఇక్కడ క్లిక్ చేయండి