OTT Movie: ఇట్స్ అఫీషియల్.. ఓటీటీలో ప్రశాంత్ నీల్ హారర్ థ్రిల్లర్.. IMDBలో 8.7 రేటింగ్.. ఒంటరిగా చూడొద్దు
అక్టోబర్ 23న థియేటర్లలో రిలీజైన ఈ హారర్ థ్రిల్లర్ ఆడియెన్స్ ను బాగానే భయపెట్టింది. కంటెంట్ పరంగా కొన్ని విమర్శలు వచ్చినా టేకింగ్ పరంగా ఈ మూవీకి మంచి మార్కులే పడ్డాయి. బాక్సాఫీస్ వద్ద మంచి వసూళ్లను రాబట్టిన ఈ సినిమాకు ఐఎమ్ డీబీలో 8.7 రేటింగ్ దక్కడం విశేషం.
కేజీఎఫ్, కేజీఎఫ్ 2, సలార్ సినిమాలతో పాన్ ఇండియా రేంజ్ లో ఫేమస్ అయ్యారు డైరెక్టర్ ప్రశాంత్ నీల్. ప్రస్తుతం గ్లోబల్ స్టార్ ఎన్టీఆర్ తో కలిసి డ్రాగన్ అనే మరో పాన్ ఇండియా సినిమాను తెరకెక్కిస్తున్నారు ప్రశాంత్. ప్రస్తుతం ఈ సినిమా షూటింగ్ శరవేగంగా జరుగుతోంది. అయితే ఈ మధ్యన ఓ హారర్ థ్రిల్లర్ సినిమాకు సమర్పకుడిగా వ్యవహరించారు. అదే 418. ప్రశాంత్ నీల్ దగ్గర అసిస్టెంట్‌గా వర్క్ చేసిన కీర్తన్ నాదగౌడనే ఈ మూవీకి దర్శకత్వం వహించారు. చైత్ర జె ఆచార్, సూర్య రాజ్, చరణ్ లక్కరాజు, ప్రీతి పగడాల, శశాంక్ పాటిల్ తదితరులు కీలకపాత్రల్లో నటించారు. రిలీజ్ కు ముందు ఈ సినిమా నుంచి వచ్చిన పోస్టర్స్, టీజర్స్, గ్లింప్స్, ట్రైలర్ సినీ ప్రేక్షకులను బాగా భయపెట్టాయి. ప్రమోషన్స్ కూడా పెద్ద ఎత్తున నిర్వహించారు. దీంతో రిలీజ్ కు ముందే ఈ మూవీపై మంచి పాజిటివ్ బజ్ క్రియేట్ అయ్యింది. అందుకు తగ్గట్టుగానే పాన్ ఇండియా రేంజ్ లో అక్టోబర్ 23న 417 మూవీ రిలీజైంది. అయితే ఈ మూవీకి మొదటి షో నుంచే మిక్స్ డ్ టాక్ వచ్చింది. కంటెంట్ పరంగా పెద్దగా ఆకట్టుకోలేకపోయింది. అయితే ఈ సినిమాలోని కొన్ని సీన్లు బాగా పేలాయి. ఆడియెన్స్ ను బాగా భయపెట్టాయి. థియేటర్లలో ఓ మోస్తరుగా ఆడిన 418 మూవీ ఇప్పుడు ఓటీటీలోకి రానుంది.
418 సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. ఈ నేపథ్యంలో ఈ గురువారం (నవంబర్ 19) నుంచే ఈ సినిమా స్ట్రీమింగ్ కు రానుంది. ఈ విషయాన్ని నెట్ ఫ్లిక్స్ సంస్థ అధికారికంగా ప్రకటించింది. తెలుగుతో పాటు తమిళం, హిందీ, మలయాళం, కన్నడ భాషల్లోనూ 418 సినిమా స్ట్రీమింగ్ కు అందుబాటులో రానుంది. 418 సినిమా విషయానికి వస్తే.. మైత్రీ మూవీ మేకర్స్ బ్యానర్‌పై నవీన్ యెర్నేని, వై.రవిశంకర్ ఈ హారర్ థ్రిల్లర్ సినిమాను నిర్మించారు. వెంకీ జీజీ సంగీతం అందించారు. ఇక కథ విషయానికి వస్తే.. ఊరికి దూరంగా ఉన్న ఓ మెడిక‌ల్ క‌ళాశాల హాస్ట‌ల్. మూత‌ప‌డిన 15 ఏళ్ల తర్వాత తిరిగి తెరుస్తారు. కానీ అందులో 418 నంబ‌ర్ గ‌ది మాత్రం మూసే ఉంటుంది. ఆ గ‌ది పేరు వినిపిస్తే చాలు.. అందరూ వణికిపోతుంటారు. ఆ హాస్ట‌ల్‌లోకి మ‌హిళ‌ల‌కు ప్ర‌వేశం కూడా ఉండ‌దు. ఇంతలోనే 417 గదిలోకి వివేక్ అనే విద్యార్థి చేరతాడు. అప్పటినుంచే అతనికి భయంకరమైన అనుభవాలు ఎదురవుతుతాయి. అతనిడిపై హ‌త్యాయ‌త్నం కూడా జ‌రుగుతుంది. అందుకు కార‌ణం 418 నంబ‌ర్ గ‌దే అని ఆ తర్వాత అర్థ‌మ‌వుతుంది. మరి ఇన్నేళ్లుగా మూసి ఉన్న ఆ గ‌దిలో ఉన్న‌ది ఎవ‌రు? ఆ గ‌ది వెన‌కున్న ర‌హ‌స్యాలేమిటి? తెలియాలంటే సినిమా చూడాల్సిందే.
418 మూవీ ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.