Liger: పూరి జగన్నాథ్ పుట్టిన రోజు నాడు లైగర్ నుంచి బిగ్ అప్డేట్
ప్రేక్షకులు ఎప్పుడెప్పుడా అని ఎదురు చూస్తున్న లైగర్ సినిమా టీజర్ ఎప్పుడు రానుందో తెలిసిపోయింది. దర్శకుడు పూరి జగన్నాథ్ పుట్టిన రోజు నాడు టీజర్ను విడుదల చేయాలని నిర్ణయించారు.
ప్రేక్షకులు ఎప్పుడెప్పుడా అని ఎదురు చూస్తున్న లైగర్ సినిమా టీజర్ ఎప్పుడు రానుందో తెలిసిపోయింది. దర్శకుడు పూరి జగన్నాథ్ పుట్టిన రోజు నాడు టీజర్ను విడుదల చేయాలని నిర్ణయించారు. పూరి దర్శకత్వంలో రౌడీస్టార్ విజయ్ దేవరకొండ కథానాయకుడిగా లైగర్ చిత్రం తెరకెక్కుతోంది. ఇప్పటికే ముంబయి, హైదరాబాద్లో ఈ మూవీ షూటింగ్ చేశారు. ప్రస్తుతం గోవాలో షూటింగ్ చేస్తున్నారు. అక్కడ స్టేడియం సెట్ నిర్మించి అందులో చిత్రీకరణ చేస్తున్నట్లు తెలుస్తోంది. ఈనెల చివరికి గోవాలో షూటింగ్ ముగియనుంది. లైగర్ టీం తదుపరి షూటింగ్కు విదేశాలకు వెళ్లనుంది.
విదేశాలక వెళ్లే ముందే లైగర్ టీం అభిమానులకు సర్ప్రైజ్ ఇవ్వాలనుకుంటుంది. సెప్టెంబర్ 28న పూరి జగన్నాథ్ పుట్టిన రోజు నాడు లైగర్ టీజర్ను విడుదల చేయాలని అనుకుంటున్నారు. ఈ విషయాన్ని చిత్ర యూనిట్ నేడో రేపో వెల్లడించే అవకాశం ఉందని తెలుస్తోంది. ఈ టీజర్ను విజయ్ దేవరకొండ బర్త్ డే మే 9 నాడు విడుదల చేయాలనుకున్నారు. కానీ కోవిడ్ వల్ల రిలీజ్ చేయలేకపోయారు. అప్పటి నుండి లైగర్ టీజర్ కోసం ఫ్యాన్స్ ఎంతో ఎగ్జైటింగ్గా ఎదురుచూస్తున్నారు. ఈ చిత్రానికి నటి చార్మి, బాలీవుడ్ నిర్మాత కరణ్ జోహార్ నిర్మాతలుగా ఉన్నారు. ఈ చిత్ర షూటింగ్ త్వరలో పూర్తి చేసి.. సినిమాను విడుదల చేయాలని చిత్ర యూనిట్ భావిస్తోంది. మరోవైపు గోవాలో పూరి జగన్నాథ్ బర్త్ డే వేడుకలను ఘనంగా నిర్వహించడానికి చిత్ర బృందం ప్లాన్ చేస్తున్నట్లు తెలుస్తోంది.
మరిన్ని ఇక్కడ చూడండి: Perni Nani: ఏపీలోనే నిర్మాతలకు ఎక్కువ షేర్‌.. జనసేన అధినేత పవన్‌కు మంత్రి పేర్ని నాని స్ట్రాంగ్‌ కౌంటర్..
Aditya Birla AMC IPO: సెప్టెంబర్ 29 నుంచి అదిత్య బిర్లా సన్ లైఫ్ ఏఎంసీ ఐపీఓ