ప్రభాస్ సోదరుడిగా అథర్వ మురళి..!

Prabhas Radhe Shyam: రెబల్‌స్టార్ ప్రభాస్ హీరోగా జిల్ ఫేమ్ రాధాకృష్ణ కుమార్ తెరకెక్కిస్తోన్న చిత్రం రాధే శ్యామ్‌. పీరియాడిక్ లవ్ స్టోరీగా తెరకెక్కుతోన్న ఈ మూవీలో ప్రభాస్ సరసన పూజా హెగ్డే నటిస్తోంది. భాగ్య శ్రీ, సచిన్ కేడ్కర్, మురళీ శర్మ, కునాల్ రాయ్ కపూర్, ప్రియదర్శి తదితరులు కీలక పాత్రల్లో కనిపించనున్నారు. పాన్ ఇండియా చిత్రంగా తెరకెక్కుతోన్న ఈ మూవీని యూవీ క్రియేషన్స్, టీసిరీస్ సంయుక్తంగా నిర్మిస్తున్నారు. కరోనా నేపథ్యంలో ఈ మూవీ షూటింగ్‌కి బ్రేక్ రాగా.. త్వరలో హైదరాబాద్‌లో చిత్రీకరణను ప్రారంభించేందుకు టీమ్ సిద్ధమవుతోంది. ఇదిలా ఉంటే తాజా సమాచారం ప్రకారం ఇందులో ఓ కీలక పాత్రలో తమిళ యువ నటుడు అథర్వ మురళి కనిపించబోతున్నట్లు తెలుస్తోంది.

ప్రభాస్ చిన్న తమ్ముడిగా అథర్వ నటించబోతున్నట్లు సమాచారం. ఈ పాత్ర కాసేపే ఉన్నప్పటికీ, చాలా ఇంట్రస్టింగ్‌గా ఉండబోతున్నట్లు టాక్. అయితే దీనిపై ఇటు రాథే శ్యామ్ టీమ్ గానీ, అటు ఆ నటుడు గానీ ధృవీకరించలేదు. కాగా తమిళంలో పలు సినిమాల్లో నటించిన అథర్వ.. ఇటీవల తెలుగులోనూ ఎంట్రీ ఇచ్చారు. వరుణ్‌ తేజ్ ప్రధాన పాత్రలో హరీష్‌ శంకర్ తెరకెక్కించిన గద్దలకొండ గణేష్‌లో అథర్వ నటించారు. ఈ మూవీ ద్వారా ఈ హీరో ఇక్కడ అభిమానులను సంపాదించుకున్న విషయం తెలిసిందే.

Read More:

శ్రావణి కేసు: ఆర్‌ఎక్స్ 100 నిర్మాత అశోక్ రెడ్డి అరెస్ట్

ప్రారంభమైన ఆర్జీవీ బయోపిక్‌.. కెమెరా స్విచ్ఛాన్ చేసిన వర్మ తల్లి