UP Assembly Election 2022 Voting Phase 5 Live: యూపీలో ముగిసిన 5వ దశ పోలింగ్.. సాయంత్రం 5 గంటల వరకు 53.98% పోలింగ్ నమోదు..

ఉత్తరప్రదేశ్‌లో 5వ పోలింగ్ ముగిసింది. సాయంత్రం 5 గంటల వరకు 53.98% ఓటింగ్ నమోదైంది. ఈ మేరకు ఎన్నికల సంఘం అధికారులు ప్రకటించారు.

రష్యాకు వ్యతిరేకంగా ఉక్రెయిన్ తన దరఖాస్తును ICJకి సమర్పించినట్లు ఉక్రెయిన్ అధ్యక్షుడు తెలిపారు. ఉక్రెయిన్ దురాక్రమణను సమర్థించేందుకు మారణహోమం భావనను తారుమారు చేసినందుకు రష్యా బాధ్యత వహించాలని ఆరోపించింది. ఇప్పుడు సైనిక కార్యకలాపాలను నిలిపివేయమని రష్యాను ఆదేశించాలని మేము తక్షణ నిర్ణయాన్ని అభ్యర్థిస్తున్నాము మరియు తదుపరి వారం విచారణ ప్రారంభం కోసం ఎదురుచూస్తున్నాము.

ఉత్తరప్రదేశ్‌లో 5వ దశ పోలింగ్ కొనసాగుతోంది. ప్రయాగ్‌రాజ్‌లో అన్ని పార్టీల పని తీరును పరిశీలించి ఓట్లు వేశామని మహిళా ఓటర్లు చెబుతున్నారు. గత ఐదేళ్లలో ఏ పార్టీ ఏం చేసిందో చూశామని, అన్నింటినీ అవగతం చేసుకుని తమ ఓటు హక్కును వినియోగించుకున్నామని పేర్కొన్నారు మహిళా ఓటర్లు.

అయోధ్య జిల్లాలోని మిల్కీపూర్ అసెంబ్లీ-273 బూత్ నంబర్ 104, 105, 106 కుమార్‌గంజ్‌లోని బూత్‌ను స్వాధీనం చేసుకునేందుకు బీజేపీ నేత శంభు సింగ్ ప్రయత్నిస్తున్నారని సమాజ్‌వాదీ పార్టీ ఆరోపించింది. దీనిపై ఎన్నికల సంఘం చర్యలు తీసుకోవాలని ఎస్పీ నేతలు డిమాండ్ చేశారు.

ఉత్తరప్రదేశ్‌లో ఇవాళ ఐదో దశ పోలింగ్ జరుగుతోంది. మధ్యాహ్నం ఒంటి గంట వరకు 35 శాతం పోలింగ్‌ నమోదైంది. ఉదయం 11 గంటల వరకు 21.39 శాతం ఓటింగ్‌ జరగగా, ఉదయం 9 గంటల వరకు 8.02 శాతం ఓటింగ్‌ నమోదైంది. చిత్రకూట్‌లో అత్యధికంగా 38.99 శాతం ఓటింగ్ నమోదైంది. అయోధ్యలో 38.79 శాతం పోలింగ్ నమోదైంది. అత్యల్పంగా ప్రయాగ్‌రాజ్‌లో 30.56 శాతం ఓట్లు పోలయ్యాయి. జిల్లాల వారీగా, ఓటింగ్ శాతాన్ని తెలుసుకోండి.

ఉత్తరప్రదేశ్‌లో ఐదో దశ పోలింగ్ జరుగుతోంది. ఈ దశలో అవధ్‌, పూర్వాంచల్‌లోని 12 జిల్లాల్లోని 61 స్థానాల్లో ఉదయం నుంచి మధ్యాహ్నం 1గంట వరకు 34.83 శాతం ఓటింగ్‌ నమోదైనట్లు అధికారులు తెలిపారు.

యూపీలో ఐదో విడత పోలింగ్ కొనసాగుతోంది. ఓటు హక్కు వినియోగించుకునేందుకు ఓటర్లు బారులు తీరుతున్నారు.

ఉత్తరప్రదేశ్‌లో ఐదో దశ పోలింగ్ జరుగుతోంది. ఈ దశలో అవధ్‌, పూర్వాంచల్‌లోని 12 జిల్లాల్లోని 61 స్థానాల్లో పోలింగ్ కొనసాగుతోంది. ఉదయం 11 గంటల వరకు 21.39 శాతం ఓటింగ్‌ నమోదైనట్లు అధికారులు తెలిపారు. అంతకుముందు ఉదయం 9 గంటల వరకు 8.02 శాతం ఓటింగ్ నమోదైంది. అత్యధికంగా చిత్రకూట్‌లో 25.59 శాతం ఓటింగ్‌ నమోదైంది. అయోధ్యలో 24.61 శాతం పోలింగ్ నమోదైంది. అత్యల్పంగా బారాబంకిలో 18.67 శాతం ఓట్లు పోలయ్యాయి.

ఇండో-టిబెటన్ బోర్డర్ పోలీస్ (ITBP) సిబ్బంది ఐదవ దశ ఎన్నికల సందర్భంగా ప్రయాగ్‌రాజ్, బారాబంకి, సుల్తాన్‌పూర్‌లోని వివిధ పోలింగ్ స్టేషన్‌లలో వికలాంగులు, వృద్ధ ఓటర్లకు సాయం చేస్తున్నారు.

కొన్ని చోట్ల ఈవీఎంలలో లోపం ఉన్నట్లు నివేదికలు మినహా అన్ని చోట్ల ఇప్పటివరకు ఓటింగ్ ప్రశాంతంగా జరుగుతోందని అదనపు ప్రధాన ఎన్నికల అధికారి BD రామ్ తివారీ పేర్కొన్నారు. అవసరమైన చర్యలన్నీ తీసుకుంటున్నామని తెలిపారు.

ఉత్తరప్రదేశ్ డిప్యూటీ సీఎం కేశవ్ ప్రసాద్ మౌర్య ప్రయాగ్‌రాజ్‌లోని పోలింగ్ బూత్‌లో ఓటు వేశారు. ఆయన సీరత్ నియోజకవర్గం నుంచి పోటీ చేస్తున్నారు. ఈ సందర్భంగా అందరూ ఓటు వేయాలని పిలుపునిచ్చారు. తాపు 300లకు పైగా సీట్లు సాధించి ప్రభుత్వాన్ని ఏర్పాటు చేస్తామని ఆశాభావం వ్యక్తంచేశారు.

ఉత్తరప్రదేశ్ ఐదో విడత ఎన్నికల్లో ఉదయం 7 గంటల నుంచి 9 గంటల వరకు 8.02 శాతం ఓటింగ్ నమోదైంది.

ప్రయాగరాజ్ BJP MP రీటా బహుగుణ జోషి ఓటు హక్కు నినియోగించుకున్నారు. ఈ ఎన్నికల్లో 300లకు పైగా సీట్లతో ప్రభుత్వాన్ని ఏర్పాటు చేస్తామని ఆశాభావం వ్యక్తంచేశారు.

బీజేపీ అభ్యర్థి సంజయ్ సింగ్ అమేథీలోని పోలింగ్ బూత్‌లో తన భార్యతో కలిసి ఓటు వేశారు. అయితే ముందుగా పంచమ్ ధోబీ దంపతులు ఓటు వేశారు.

యూపీలోని 12 జిల్లాల్లోని 61 అసెంబ్లీ స్థానాల్లో ఐదో దశలో ఓటింగ్ కొనసాగుతోంది. సర్వజన సర్కారు కోసం ఈ ఎన్నికల్లో బీఎస్పీని గెలిపించాలని.. మయావతి కోరారు.

కాంగ్రెస్ లెజిస్లేచర్ పార్టీ (CLP) నాయకురాలు, రాంపూర్ ఖాస్ అభ్యర్థి ఆరాధన మిశ్రా సంగ్రామ్‌ఘర్‌లోని పోలింగ్ స్టేషన్‌లో తన ఓటుహక్కును వినియోగించుకున్నారు. దేశం, మీ భవిష్యత్తు కోసం ఓటు వేయండి అంటూ ఆమె కోరారు.

ఐదవ దశ పోలింగ్ మధ్య రాష్ట్ర మంత్రి సిద్ధార్థనాథ్ సింగ్ ప్రయాగ్‌రాజ్‌లోని ఆలయంలో పూజలు చేశారు. రాష్ట్రంలో మళ్లీ బీజేపీ ప్రభుత్వాన్ని ఏర్పాటు చేయబోతోందని విశ్వాసం వ్యక్తంచేశారు. 2017కి ముందు అభివృద్ధి, శాంతిభద్రతలు దెబ్బతిన్నాయని.. బీజేపీ ప్రభుత్వం వచ్చిన తర్వాత గాడిలో పెట్టామని తెలిపారు.

ఓటు వేసే ముందు డిప్యూటీ సీఎం కేశవ్ ప్రసాద్ మౌర్య ఇంట్లో పూజలు చేశారు. ఆయన సిరతు అసెంబ్లీ నుంచి పోటీ చేస్తున్నారు.

ఉత్తరప్రదేశ్‌లో ఐదో విడత పోలింగ్‌లో ఓటర్లందరూ తమ ఓటు హక్కును వినియోగించుకోవాలని, ఓటువేయాలని ప్రధానమంత్రి నరేంద్ర మోదీ విజ్ఞప్తి చేశారు.

ఈ విడతలో ఉప ముఖ్యమంత్రి కేశవ్ ప్రసాద్ మౌర్య తన సొంత జిల్లా కౌశాంబిలోని సిరతు అసెంబ్లీ నియోజకవర్గం బిజెపి అభ్యర్థిగా బరిలో ఉన్నారు. వీరికి వ్యతిరేకంగా సమాజ్‌వాదీ పార్టీ అప్నాదళ్ (కమ్యూనిస్ట్) నాయకురాలు పల్లవి పటేల్‌ను రంగంలోకి దించింది. కాగా పల్లవి పటేల్ సోదరి, కేంద్ర ప్రభుత్వంలో మంత్రి అనుప్రియా పటేల్ కేశవ్ ప్రసాద్ మౌర్యకు అనుకూలంగా ప్రచారం చేస్తున్నారు. అనుప్రియా పటేల్ తల్లి కృష్ణ పటేల్ ప్రతాప్‌గఢ్ సదర్ నుంచి సమాజ్‌వాదీ కూటమి అభ్యర్థిగా బీజేపీ తరపున పోటీ చేస్తున్నారు. మరోవైపు, 1993 నుంచి ప్రతాప్‌గఢ్ జిల్లాలోని కుంట నుంచి ఎన్నికల్లో గెలుపొందిన రఘురాజ్ ప్రతాప్ సింగ్ ఈసారి ఆయన ఏర్పాటు చేసిన జనసత్తా పార్టీ నుంచి బరిలో ఉన్నారు.

శ్రీ రాముడి నగరమైన అయోధ్యలో కూడా ఈరోజు ఓటింగ్ జరగుతోంది. బీజేపీకి ఈ సారి సవాల్‌‌గా మారుతుందని పేర్కొంటున్నారు. గత ఎన్నికల్లో అన్ని స్థానాలను బీజేపీ కైవసం చేసుకుం

ఉత్తరప్రదేశ్‌లో ఈ రోజు ఐదో దశ పోలింగ్ జరుగుతోంది. ఈ దశలో అవధ్, పూర్వాంచల్‌లోని 12 జిల్లాల్లోని 61 సీట్లు ఉన్నాయి. అమేథీ, సుల్తాన్‌పూర్, చిత్రకూట్, ప్రతాప్‌గఢ్, రాయ్ బరేలీ, కౌశాంబి, ప్రయాగ్‌రాజ్, బారాబంకి, అయోధ్య, బహ్రైచ్, శ్రావస్తి, గోండా జిల్లాల్లో పోలింగ్ కొనసాగుతోంది.