AP: పెద్దల్ని ఎదిరించి యువతి కులాంతర వివాహం.. ఇప్పుడు 6 నెలల గర్భిణీ.. ఊహించని ట్విస్ట్ ఇచ్చిన భర్త

Love Cheating

ఒంగోలులో ప్రేమ పేరుతో మరో యువకుడు మోసానికి పాల్పడ్డాడు. ప్రేమ పేరుతో యువతిని మభ్యపెట్టి గుళ్ళో పెళ్లి చేసుకుని కాపురం చేసి భార్యకు ఆరోనెల రాగానే అబార్షన్‌ చేసుకోవాలి వేధిస్తున్నాడు. తమది పెళ్ళేకాదని వాదిస్తున్నాడు. మరోపెళ్ళి చేసుకునేందుకు సిద్దపడి తనను వేధిస్తున్నాడంటూ ఒంగోలు దిశ పియస్‌లో గడ్డం నందిని అనే యువతి ఫిర్యాదు చేసింది. తనకు న్యాయం చేయాలని బాధిత యువతి వేడుకుంటోంది.

19 ఏళ్ళ  గడ్డం నందిని… ఏడాది క్రితం విజ్ఞగిరి సాయి అనే యువకుడ్ని ప్రేమించి కులాంతర వివాహం చేసుకుంది. కొండపిలో కూరగాయాల దుకాణం నడిపే యువతి తల్లిదండ్రులు వీరి పెళ్ళికి అంగీకరించకపోవడంతో పెద్దలను ఎదిరించి సాయిని సింగరాయకొండ దేవస్థానంలో పెళ్ళి చేసుకుంది. ఒంగోలులో కాపురం పెట్టారు.. ఏడాది కాలం వీరి కాపురం సజావుగానే సాగింది. ప్రస్తుతం నందిని ఆరు నెలల గర్భిణీ. ఈ పరిస్థితుల్లో భర్త సాయి తన మరదలిని పెళ్ళి చేసుకునేందుకు పథకం వేసి ఇంటికి రావడం లేదని నందిని ఆరోపిస్తుంది. తనను ప్రేమించి పెళ్ళి చేసుకుని ఇప్పుడు మరో యువతిని ఎలా పెళ్ళి చేసుకుంటావని సాయిని నిలదీసింది. దీంతో అతడు నువ్వు నాకు అక్కర్లేదని, అబార్షన్‌ చేయించుకోవాలని బలవంతం చేస్తున్నాడని నందిని ఒంగోలు దిశ పోలీస్‌స్టేషన్‌ను ఆశ్రయించింది. దీంతో సాయి ప్రేమ, పెళ్ళి, మోసం వ్యవహారం వెలుగులోకి వచ్చాయి. అయితే నందిని ఎస్‌సి సామాజిక వర్గానికి చెందిన యువతి కావడంతో దిశ పోలీసులు ఆమెను ఒంగోలు తాలూకా పియస్‌లో ఫిర్యాదు చేయాలని పంపించారు. దీంతో యువతి నందిని తనకు న్యాయం చేయాలని లేకుంటే ఆత్మహత్యే శరణ్యమంటూ విలపిస్తోంది. ఒంగోలు తాలూకా పియస్‌లో తనకు న్యాయం చేయాలని ఫిర్యాదు చేసింది.

Also Read: ఆదిలాబాద్ జిల్లాలో వింత గుంత కలకలం.. ఎంత తవ్వినా వీడని మిస్టరీ..

స్పెషల్ సాంగ్ కు ‘ఊ’ అనడానికి సామ్ ఎంత తీసుకుందో తెలిస్తే దిమ్మతిరగాల్సిందే