TGSRTC Jobs 2025: టీజీఎస్ఆర్టీసీలో డ్రైవర్ ఉద్యోగాలకు నోటిఫికేషన్ వచ్చేసింది.. పదో తరగతి పాసైతే చాలు! జాబ్ గ్యారెంటీ
రాష్ట్ర వ్యాప్తంగా వివిధ జోన్లలో ఖాళీగా ఉన్న డ్రైవర్, శ్రామిక్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ తెలంగాణ స్టేట్ రోడ్ ట్రాన్స్ పోర్ట్ కార్పొరేషన్ (TGSRTC) నోటిఫికేషన్ విడుదల చేసింది. ఈ నోటిఫికేషన్ కింద మొత్తం 1743 పోస్టులను భర్తీ చేయనున్నారు. ఇందులో డ్రైవర్స్ పోస్టులు..
తెలంగాణ రాష్ట్ర వ్యాప్తంగా వివిధ జోన్లలో ఖాళీగా ఉన్న డ్రైవర్, శ్రామిక్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ తెలంగాణ స్టేట్ రోడ్ ట్రాన్స్ పోర్ట్ కార్పొరేషన్ (TGSRTC) నోటిఫికేషన్ విడుదల చేసింది. ఈ నోటిఫికేషన్ కింద మొత్తం 1743 పోస్టులను భర్తీ చేయనున్నారు. ఇందులో డ్రైవర్స్ పోస్టులు 1000, శ్రామిక్ పోస్టులు 743 వరకు ఉన్నాయి. అర్హత కలిగిన అభ్యర్థులు అక్టోబర్ 8, 2025వ తేదీ నుంచి ఆన్లైన్లో దరఖాస్తు చేసుకోవచ్చు. ఇతర వివరాలు ఈ కింద చెక్ చేసుకోండి..
సంబంధిత పోస్టులను అనుసరించి దరఖాస్తు చేసుకునే అభ్యర్ధులు పదో తరగతి ఉత్తీర్ణతతో పాటు ఐటీఐలో ఉత్తీర్ణత కలిగి ఉండాలి. అలాగే డ్రైవింగ్ లైసెన్స్ కూడా ఉండాలి. పని అనుభవం ఉండాలి. అభ్యర్ధుల వయోపరిమితి జులై 1, 2025వ తేదీ నాటికి డ్రైవర్ పోస్టులకు 22 నుంచి 35 ఏళ్ల వయసు ఉండాలి. ఇక శ్రామిక్ పోస్టులకు 18 నుంచి 30 ఏళ్లకు మించకుండా ఉండాలి. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 5 ఏళ్లు, ఈఎస్ఎం అభ్యర్థులకు 3 ఏళ్ల వరకు వయోపరిమితిలో సడలింపు ఉంటుంది.
ఆసక్తి కలిగిన అభ్యర్ధులు ఆన్లైన్ ఆధారంగా అక్టోబర్ 28, 2025వ తేదీ వరకు దరఖాస్తు చేసుకోవచ్చు. దరఖాస్తు ఫీజు కింద డ్రైవర్ పోస్టులకు ఎస్సీ, ఎస్టీ అభ్యర్థులు రూ.300, ఇతర కేటగిరీలకు చెందిన వారు రూ.600 చొప్పున చెల్లించాలి. ఇక శ్రామిక్ పోస్టులకు ఎస్సీ, ఎస్టీ అభ్యర్థులు రూ.200, ఇతర కేటగిరీలకు చెందిన వారు రూ.400 చొప్పున చెల్లించాలి. ఫిజికల్ మెజర్మెంట్ (పీఎంటీ), మెడికల్, డ్రైవింగ్ టెస్ట్ల ఆధారంగా అభ్యర్థుల తేది ఎంపిక ఉంటుంది. ఎంపికైన వారికి నెలకు డ్రైవర్ పోస్టులకైతే రూ.20,960 నుంచి రూ.60,080 వరకు, శ్రామిక్ పోస్టులకు రూ.16,550 నుంచి రూ.45,030 వరకు జీతంగా చెల్లిస్తారు. ఇతర వివరాలు ఈ కింది లింక్ ద్వారా తెలుసుకోవచ్చు.
టీజీఎస్ఆర్టీసీ నోటిఫికేషన్ కోసం ఇక్కడ క్లిక్ చేయండి.
మరిన్ని విద్యా, ఉద్యోగ వార్తల కోసం క్లిక్ చేయండి.