SBI Recruitment 2026: 2273 బ్యాంక్ ఉద్యోగాలు.. పొడిగించిన గడువు తేదీ.. పూర్తి వివరాలు తెలుసుకోండి

Sbi Jobs

బ్యాంకింగ్ రంగంలో కెరీర్‌ను నిర్మించుకోవాలనుకునే గ్రాడ్యుయేట్లకు State Bank of India (SBI) మంచి అవకాశాన్ని అందిస్తోంది. దేశంలోనే అతిపెద్ద ప్రభుత్వ రంగ బ్యాంకైన SBI, సర్కిల్ బేస్డ్ ఆఫీసర్ (CBO) పోస్టుల భర్తీకి నోటిఫికేషన్ విడుదల చేసింది. దరఖాస్తుల చివరి తేదీగా ముందుగా ఫిబ్రవరి 18 నిర్ణయించగా, అభ్యర్థుల సౌకర్యార్థం ఈ గడువును ఇప్పుడు ఫిబ్రవరి 25, 2026 వరకు పొడిగించింది. బ్యాంకింగ్ రంగంలో స్థిరమైన, ప్రతిష్టాత్మకమైన ఉద్యోగాన్ని ఆశించే వారికి ఇది బంగారు అవకాశం.

మొత్తం ఖాళీలు – 2273 పోస్టులు

ఈ నియామక ప్రక్రియ ద్వారా దేశవ్యాప్తంగా వివిధ సర్కిళ్లలో మొత్తం 2273 ఖాళీలను భర్తీ చేయనున్నారు.

2050 రెగ్యులర్ పోస్టులు
223 గత సంవత్సరాల బ్యాక్‌లాగ్ ఖాళీలు

సర్కిల్ వారీగా ఖాళీలు

దేశవ్యాప్తంగా 16 సర్కిళ్లలో నియామకాలు జరుగుతున్నాయి. ముఖ్యమైన సర్కిళ్లు మరియు ఖాళీలు ఇలా ఉన్నాయి:

మహారాష్ట్ర – 194
ముంబై మెట్రో (ముంబై & గోవా) – 143
అహ్మదాబాద్ – 200
బెంగళూరు – 300
భోపాల్ – 150
చండీగఢ్ – 250
చెన్నై – 200
నార్త్ ఈస్ట్ – 175
హైదరాబాద్ – 50
జైపూర్ – 100
కోల్‌కతా – 200
లక్నో – 50
న్యూఢిల్లీ – 70

అర్హత ప్రమాణాలు

విద్యార్హత: గుర్తింపు పొందిన విశ్వవిద్యాలయం నుండి ఏదైనా విభాగంలో గ్రాడ్యుయేషన్. మెడికల్, ఇంజనీరింగ్, చార్టర్డ్ అకౌంటెంట్ (CA) డిగ్రీ హోల్డర్లు కూడా అర్హులు.

అనుభవం: డిసెంబర్ 31, 2025 నాటికి, ఏదైనా షెడ్యూల్డ్ కమర్షియల్ బ్యాంక్ లేదా ప్రాంతీయ గ్రామీణ బ్యాంకు (RRB)లో అధికారిగా కనీసం 2 సంవత్సరాల పని అనుభవం ఉండాలి.

వయోపరిమితి: 21 నుంచి 30 సంవత్సరాల మధ్య (డిసెంబర్ 31, 2025 నాటికి). ప్రభుత్వ నిబంధనల ప్రకారం రిజర్వేషన్ వర్గాలకు వయో సడలింపు వర్తిస్తుంది.

భాష: అభ్యర్థి దరఖాస్తు చేసుకునే సర్కిల్‌కు సంబంధించిన స్థానిక భాషలో ప్రావీణ్యం తప్పనిసరి.

ఎంపిక ప్రక్రియ:
ఎంపిక నాలుగు దశల్లో జరుగుతుంది:

ఆన్‌లైన్ రాత పరీక్ష (ఆబ్జెక్టివ్ + డిస్క్రిప్టివ్) – మార్చి 2026లో నిర్వహణ
పత్రాల పరిశీలన (స్క్రీనింగ్)

ఇంటర్వ్యూ: స్థానిక భాషా పరీక్ష

దరఖాస్తు విధానం: ఆసక్తిగల అభ్యర్థులు ఫిబ్రవరి 25, 2026 లోపు SBI అధికారిక వెబ్‌సైట్‌(sbi.bank.in/web/careers))ను సందర్శించి ఆన్‌లైన్‌లో దరఖాస్తు చేయాలి.

దరఖాస్తు రుసుము: జనరల్ / OBC / EWS – ₹750, SC / ST / దివ్యాంగ అభ్యర్థులు – రుసుము లేదు.

చివరగా.. బ్యాంకింగ్ రంగంలో ఎదగాలనుకునే అభ్యర్థులు ఈ అవకాశాన్ని సద్వినియోగం చేసుకోవాలి. గడువు పొడిగించబడినందున, అర్హులైన వారు ఆలస్యం చేయకుండా వెంటనే దరఖాస్తు చేసుకోవడం మంచిది.