CBSE Class 10 Results 2026: సీబీఎస్ఈ పదో తరగతి 2026 ఫలితాలు విడుదల.. రిజల్ట్స్ డైరెక్ట్ లింక్ ఇదే
ఈ ఏడాది ఫిబ్రవరి 17 నుంచి మార్చి 11 వరకు సీబీఎస్సీ పదో తరగతి పరీక్షలు జరిగిన సంగతి తెలిసిందే. 10వ తరగతి, 12వ తరగతి పరీక్షలకు కలిపి దేశ వ్యాప్తంగా మొత్తం 43 లక్షల మంది విద్యార్ధులు పరీక్షలు రాశారు. ఇందులో పదో తరగతి పరీక్షలకే ఏకంగా 25 లక్షల మంది విద్యార్ధులు హాజరయ్యారు. వీరంతా ఎప్పుడెప్పుడాని ఎదురు చూస్తున్న పదో తరగతి ఫలితాలు తాజాగా విడుదలయ్యాయి..
హైదరాబాద్, ఏప్రిల్ 14: సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్సీ) 10వ తరగతి ఫలితాలను బుధవారం (ఏప్రిల్ 15) ఫలితాలను విడుదల చేసింది. పరీక్షలకు హాజరైన విద్యార్ధులు సీబీఎస్సీ అధికారిక వెబ్సైట్వెబ్సైట్లలో https://www.cbse.gov.in/ లేదా results.cbse.nic.in లేదా cbse.nic.in మాత్రమే ఫలితాలను చెక్ చేసుకోవచ్చు. వీటితోపాటు డిజిలాకర్ (DigiLocker), ఉమాంగ్ (UMANG) యాప్ల ద్వారా కూడా తమ ఫలితాలను చెక్ చేసుకోవచ్చు. విద్యార్ధులు తమ రోల్ నంబర్, స్కూల్ నంబర్, అడ్మిట్ కార్డ్ ఐడీ, పుట్టిన తేదీ వివరాలను నమోదు చేసి స్కోర్ కార్డులను డౌన్లోడ్ చేసుకోవచ్చు.
కాగా ఈ ఏడాది ఫిబ్రవరి 17 నుంచి మార్చి 11 వరకు సీబీఎస్సీ పదో తరగతి పరీక్షలు జరిగిన సంగతి తెలిసిందే. 10వ తరగతి, 12వ తరగతి పరీక్షలకు కలిపి దేశ వ్యాప్తంగా మొత్తం 43 లక్షల మంది విద్యార్ధులు పరీక్షలు రాశారు. ఇందులో పదో తరగతి పరీక్షలకే ఏకంగా 25 లక్షల మంది విద్యార్ధులు హాజరయ్యారు. అయితే గత ఏడాది10వ, 12వ తరగతి ఫలితాలు రెండూ ఒకేసారి మే 13న ప్రకటించారు. అయితే మే 15న 10వ తరగతి బోర్డు పరీక్షల రెండవ సెషన్ ప్రారంభం కానున్నాయి. ఈ క్రమంలోనే 12వ తరగతి ఫలితాల కంటే ముందే 10వ తరగతి ఫలితాలను సీబీఎస్సీ బోర్డు వెల్లడించింది. విద్యార్థులు గరిష్టంగా మూడు సబ్జెక్టులలో తమ స్కోర్లను మెరుగుపరుచుకునేందుకు వీలుగా సీబీఎస్ఈ ఈ ఏడాది రెండు సార్లు బోర్డు పరీక్షలు రాసే విధానాన్ని ప్రవేశపెట్టింది.
ఈ ఏడాది నుంచి 10వ తరగతిలో ఒకటి లేదా రెండు మార్కులు తక్కువ వచ్చిన విద్యార్థులకు గ్రేస్ మార్కులు కలిపే విధానం కూడా తీసుకువచ్చారు. అయితే పరీక్షలో ఉత్తీర్ణత సాధించడానికి అభ్యర్థులు మొత్తం మీద కనీసం 33 శాతం మార్కులు పొందాలి. అప్పుడే గ్రేస్ మార్కులు కలిపిందుకు వీలుంటుంది. ఇక 12వ తరగతి పరీక్షలు 2026 కూడా ఫిబ్రవరి 17వ తేదీ నుంచే ప్రారంభమయ్యాయి. 12వ తరగతి పరీక్షలు 2026 ఏప్రిల్ 10న ముగిశాయి. ఫలితాలను మే రెండో వారంలో విడుదల చేసేందుకు ఏర్పాట్లు చేస్తున్నారు.
CBSE 10వ తరగతి ఫలితాలను 2026 ఎలా డౌన్లోడ్ చేసుకోవాలంటే?
- ముందుగా CBSE అధికారిక వెబ్సైట్ ను సందర్శించండి.
- ‘2026 ఫలితాలు’ విభాగం కింద ఉన్న ‘సెకండరీ స్కూల్ ఎగ్జామినేషన్ (క్లాస్ X) 2026’ పై క్లిక్ చేయండి.
- రోల్ నంబర్, పాఠశాల నంబర్, అడ్మిట్ కార్డ్ ఐడి, పుట్టిన తేదీ, సెక్యూరిటీ పిన్ నమోదు చేయాలి.
- అనంతరం ‘సబ్మిట్’ పై క్లిక్ చేయండి. వెంటనే మీ మార్క్షీట్ స్క్రీన్పై కనిపిస్తుంది.
- దీన్ని డౌన్లోడ్ చేసుకొని భవిష్యత్ అవసరాల కోసం దాచుకోవాలి.
సీబీఎస్ఈ పదో తరగతి 2026 ఫలితాలు ఈ కింది డైరెక్ట్ లింక్ ల ద్వారా చెక్ చేసుకోండి..
మరిన్ని విద్యా, ఉద్యోగ కథనాల కోసం క్లిక్ చేయండి.