Volkswagen: ఈ కారుతో సౌకర్యవంతమైన ప్రయాణం.. వోక్స్వ్యాగన్ టిగువాన్ నయా ఎడిషన్ లాంచ్..! వీడియో
Volkswagen Tiguan R line: భారతదేశంలో బడ్జెట్ ఫ్రెండ్లీ కార్లతో ప్రీమియం కార్ల అమ్మకాలు కూడా అధికంగా ఉంటాయి. పిండి కొద్దీ రొట్టె అనే చందాన సొమ్ము బట్టి కార్లోని ఫీచర్లు ఉంటాయి. ముఖ్యంగా ప్రీమయం కార్లు అంటే టక్కున గుర్తొచ్చే వోక్స్వ్యాగన్ తన టిగువాన్ కారులో ఆర్ లైన్ పేరుతో నయా ఎడిషన్ లాంచ్ చేసింది. ఈ కారు ఎలా ఉందో? టీవీ-9 ప్రతినిధి స్వయంగా రివ్యూ చేశారు. ఆ రివ్యూ విశేషాలను ఓ సారి తెలుసుకుందాం.
భారతదేశంలో ప్రీమియం కార్ల ప్రియులు వోక్స్వ్యాగన్కు సంబంధించిన టాప్-లైన్ ప్రీమియం ఎస్యూవీ వోక్స్వాగన్కు టిగువాన్ అప్డేట్ వెర్షన్ కోసం చాలా రోజులుగా వేచి చూస్తున్నారు. ఈ నేపథ్యంలో తాజాగా వోక్స్వ్యాగన్ కంపెనీ తన అప్డేటెడ్ వెర్షన్ వోక్స్వ్యాగన్ టిగువాన్ ఆర్-లైన్ను విడుదల చేసింది. రూ.49 లక్షల ప్రారంభ ధరతో రిలీజ్ చేసిన ఈ కారు దూరప్రయణాల్లో ఎలాంటి అనుభూతినిస్తుందనే విషయాన్ని ఓ ప్రత్యేక వీడియో ద్వారా చూద్దాం..
వీడియో చూడండి..
ఉదయపూర్ నుంచి జైపూర్ వరకు 400 కిలోమీటర్లకు పైగా ప్రయాణంలో టీవీ9 బృందం వోక్స్వ్యాగన్ టిగువాన్ ఆర్-లైన్ను ఎంచుకుంది. ఈ కారులోని క్లైమేట్ కంట్రోల్ ఫీచర్ 42-43 డిగ్రీల సెల్సియస్ ఉష్ణోగ్రత మధ్య కారు లోపల సౌకర్యాన్ని మెరుగుపరుస్తుంది. అంతేకాకుండా కారులో ఉన్న ఏడీఎస్, మల్టీ డ్రైవ్ మోడ్ కారణంగా గంటకు 100 కి.మీ వేగంతో ఈజీగా దూసుకుపోవచ్చు.
వోక్స్వ్యాగన్ టిగువాన్ ఆర్-లైన్ ఎస్యూవీ 2 లీటర్ ఇంజిన్తో వస్తుంది. అలాగే ఈ కారు 204 హెచ్పీ, 320 ఎన్ఎం టార్క్ ఉత్పత్తి చేస్తుంది. మీరు కారు యాక్సిలరేటర్ నొక్కిన వెంటనే లీనియర్ పవర్ పొందిన వెంటనే పికప్ మిమ్మల్ని ఆశ్చర్యానికి గురి చేస్తుంది. ఈ కారుకు సంబంధించిన పూర్తి రివ్యూ ఈ కింది వీడియోలో చూసేయండి..