RBI: దేశంలోనే అతిపెద్ద డీల్‌.. రూ.3,472 కోట్లతో 4.6 ఎకరాల భూమిని కొనుగోలు చేసిన ఆర్బీఐ.. ఎందుకో తెలుసా?

RBI Real Estate: భారతీయ రిజర్వ్ బ్యాంక్(ఆర్‌బీఐ) భారీ మొత్తంలో భూమి కొనుగోలు చేయడం ఇప్పుడు రియల్ ఎస్టేట్ రంగంలో చర్చనీయాంశమైంది. ముంబైలోని నారిమన్ పాయింట్ దేశంలోనే అత్యంత ఖరీదైన, ప్రీమియం వ్యాపార కేంద్రంగా పరిగణిస్తారు. ఇక్కడ భూమిని పొందడం దాదాపు అసాధ్యం. ఇక్కడ రిజర్వ్ బ్యాంక్ ఆఫ్ ఇండియా (RBI) రూ. 3,472 కోట్లు ఖర్చు చేసి 4.61 ఎకరాల భూమిని కొనుగోలు చేసింది. ఈ ఒప్పందం ఈ సంవత్సరం అతిపెద్ద భూ కొనుగోళ్లలో ఒకటి మాత్రమే కాదు, ముంబై రియల్ ఎస్టేట్ మార్కెట్‌లో చర్చనీయాంశంగా మారింది. ఇది ఈ సంవత్సరం దేశంలో జరిగిన అతిపెద్ద భూ ఒప్పందాలలో ఒకటిగా నిలిచింది.

అందుకోసం ముంబై మెట్రో రైల్‌ కార్పొరేషన్‌ లిమిటెడ్‌కు ఏకంగా రూ.3,472 కోట్లు చెల్లించింది. దీంతో ఈ ఏడాది భూమి కొనుగోళ్లలో ఇదే అత్యధిక ధర అని వ్యాపార వర్గాలు చెబుతున్నాయి. ఆర్‌బీఐ.. ముంబై మెట్రో రైల్‌ కార్పొరేషన్‌ లిమిటెడ్‌ నుంచి కొనుగోలు చేసిన భూమి మంత్రాలయ, బాంబే హైకోర్టు, కొన్ని కార్పొరేట్ హెడ్‌క్వార్టర్లకు సమీపంలో ఉంది.

ఇది కూడా చదవండి: Viral Video: వేదికపై పాట పడుతుండగా ఏం జరిగిందో చూడండి.. క్షణాల్లోనే జరిగిపోయింది.. షాకింగ్‌ వీడియో

ఈ భూమి ఎక్కడ ఉంది?

ఈ ప్రధాన భూమి మంత్రాలయ, బాంబే హైకోర్టు, అనేక పెద్ద కార్పొరేట్ ప్రధాన కార్యాలయాలకు చాలా దగ్గరగా ఉంది. 1970లలో ప్రణాళిక చేయబడిన ఈ ప్రాంతం చాలా కాలంగా ముంబై కేంద్రంగా ప్రసిద్ధి చెందింది. ఈ భూమిని ముంబై మెట్రో రైల్ కార్పొరేషన్ లిమిటెడ్ (MMRCL) విక్రయించింది. ప్రారంభంలో MMRCL దీనిని గ్లోబల్ టెండర్ ద్వారా వేలం వేయాలని ప్రణాళిక వేసింది. కానీ జనవరిలో ఆర్బీఐ దానిపై ఆసక్తి చూపినప్పుడు వేలం రద్దు చేశారు. ఆర్బీఐ దీనికి రూ.208 కోట్లకు పైగా స్టాంప్ డ్యూటీని కూడా చెల్లించింది. సెప్టెంబర్‌ 5న తాజా ఒప్పందం రిజిస్టర్‌ అయ్యింది.

ఇది కూడా చదవండి: RBI New Rule: మీరు రుణం చెల్లించకపోతే మీ ఫోన్ లాక్.. RBI కొత్త నిబంధన!

ఈ భూమిని ఆర్బీఐ ఎందుకు కొనుగోలు చేసింది?

రిజర్వ్‌ బ్యాంక్‌ ఆఫ్‌ ఇండియా ఇప్పటికే ముంబైలోని మింట్ రోడ్ ప్రధాన కార్యాలయం, ఇతర ఆస్తులను కలిగి ఉంది. కానీ ఇప్పుడు ఈ కొత్త స్థలం ద్వారా ఆర్బీఐ తన ఉనికిని మరింత బలోపేతం చేసుకోవాలనుకుంటోంది. ప్రస్తుతం ఆర్‌బీఐ ప్రధాన కార్యాలయం దక్షిణ ముంబైలోని ఫోర్ట్‌లో ఉంది. తాజా భూమి కొనుగోలు ద్వారా ముంబై రియల్ ఎస్టేట్ రంగంలో ఆర్‌బీఐ ఆస్తులను మరింత విస్తరించింది. ఇప్పటికే మింట్ రోడ్, మరికొన్ని చోట్ల సెంట్రల్ బ్యాంకుకు స్థిరాస్తులు ఉన్నాయి. అయితే సంస్థాగత ప్రయోజనాల కోసమే కొత్తగా కొనుగోలు చేసిన భూమిని ఆర్‌బీఐ అభివృద్ధి చేసే అవకాశం ఉంది. ముంబై మెట్రో రైల్‌ కార్పొరేషన్‌ లిమిటెడ్‌ నగరంలో మరిన్ని ప్రాజెక్టులను విస్తరించాలని భావిస్తోంది.

ఇది కూడా చదవండి: Viral Video: నిద్రపోతూ కారు నడిపాడా ఏంటి? ఘోర ప్రమాదం.. షాకింగ్ వీడియో రికార్డ్!

మరిన్ని బిజినెస్ వార్తల కోసం ఇక్కడ క్లిక్ చేయండి