Electric Scooters: కొత్త మెటల్ బాడీ ఎలక్ట్రిక్ స్కూటర్లు లాంచ్.. ఒక్క ఛార్జ్తో 150 కిమీల మైలేజ్. ధర తక్కువే..!
Electric Scooters: దేశంలో ఎలక్ట్రిక్ టూ-వీలర్ మార్కెట్ వేగంగా అభివృద్ధి చెందుతోందని, అయితే తక్కువ ధరలంటే నాణ్యత విషయంలో రాజీ పడటం కాదని అన్నారు. ఇప్పటివరకు కేవలం ఖరీదైన ఎలక్ట్రిక్ వాహనాల్లో మాత్రమే కనిపించే ఫీచర్లను, MG ప్రో V, MG ప్రో..
Electric Scooters: మీరు తక్కువ బడ్జెట్లో బలమైన ఫీచర్లు గల ఎలక్ట్రిక్ స్కూటర్ కోసం చూస్తున్నట్లయితే కోమాకి తన రెండు కొత్త ఎలక్ట్రిక్ స్కూటర్లను భారత మార్కెట్లో విడుదల చేసింది. ఎంజీ ప్రో వి, ఎంజీ ప్రో+. ఎంజీ ప్రో వి ప్రారంభ ధర రూ. 73,999 కాగా, ఎంజీ ప్రో+ ధర రూ. 79,999గా ఉంది. ఈ రెండు స్కూటర్ల అతిపెద్ద ప్రత్యేకత వాటి ఆల్-మెటల్ బాడీ. ఈ ధర విభాగంలోని చాలా ఎలక్ట్రిక్ స్కూటర్లు ఫైబర్ బాడీతో వస్తాయి. కానీ వినియోగదారులకు మరింత మన్నికైన ఎంపికను అందించడానికి కోమాకి మెటల్ బాడీని ఉపయోగించింది. ఈ స్కూటర్లు 150 కిలోమీటర్ల వరకు రేంజ్ను అందిస్తున్నాయి. ఈ స్కూటర్లను అద్భుతమైన ఫీచర్స్తో రూపొందించారు.
కోమాకి ఎంజి ప్రో వి ఒకే ఛార్జ్పై 90 నుండి 100 కిలోమీటర్ల రేంజ్ను అందిస్తుందని కంపెనీ పేర్కొంది. మరోవైపు ఎంజి ప్రో+ ఒకే ఛార్జ్పై 150 కిలోమీటర్లకు పైగా రేంజ్ను అందిస్తుంది. అందువల్ల ప్రతిరోజూ పనికి వెళ్లే, నగరంలో సుదూర ప్రయాణాలు చేసే వినియోగదారులకు ఈ రెండు ఎలక్ట్రిక్ స్కూటర్లు మంచి ఎంపికగా ఉంటాయి. ఈ రెండు స్కూటర్లు BLDC హబ్ మోటార్, LiFePO4 (లిథియం ఐరన్ ఫాస్ఫేట్) బ్యాటరీ టెక్నాలజీని ఉపయోగిస్తాయి. ఈ బ్యాటరీ సురక్షితమైనది. ఎక్కువ కాలం మన్నికను అందిస్తుంది. తక్కువ నిర్వహణ ప్రయోజనాలను కలిగి ఉంటుంది.
ఇది కూడా చదవండి: Gold: 4 ఏళ్లలో 245% పెరిగిన బంగారం.. ఇప్పుడు కొత్తగా కొనాలా, అమ్మాలా లేక హోల్డ్ చేయాలా?
ఫీచర్లకు కూడా కొరత లేదు:
కోమాకి రెండు స్కూటర్లలోనూ అనేక ఆధునిక ఫీచర్లను అందిస్తోంది. వాటిలో బ్యాటరీ స్థితి, రేంజ్ సమాచారం కోసం మొబైల్ యాప్ కనెక్టివిటీ కూడా ఉంది. అదనంగా ఫ్రంట్ డిస్క్ బ్రేక్, టెలిస్కోపిక్ ఫ్రంట్ సస్పెన్షన్, యాంటీ-థెఫ్ట్ లాక్, పార్కింగ్ అసిస్ట్, రిపేర్ స్విచ్, సౌకర్యవంతమైన రైడింగ్ ప్లాట్ఫామ్ వంటి ఫీచర్లు కూడా చేర్చారు. MG ప్రో+లో పెద్ద బూట్ స్పేస్ కూడా ఉంది. దీనివల్ల లగేజీని నిల్వ చేయడం చాలా సులభం అవుతుంది.
తక్కువ ధరకే..
కొమాకి ఎలక్ట్రిక్ వెహికల్స్ సహ వ్యవస్థాపకురాలు గుంజన్ మల్హోత్రా ఈ ప్రారంభోత్సవంలో మాట్లాడుతూ, దేశంలో ఎలక్ట్రిక్ టూ-వీలర్ మార్కెట్ వేగంగా అభివృద్ధి చెందుతోందని, అయితే తక్కువ ధరలంటే నాణ్యత విషయంలో రాజీ పడటం కాదని అన్నారు. ఇప్పటివరకు కేవలం ఖరీదైన ఎలక్ట్రిక్ వాహనాల్లో మాత్రమే కనిపించే ఫీచర్లను, MG ప్రో V, MG ప్రో+ ద్వారా వినియోగదారులకు అందించాలని తమ కంపెనీ లక్ష్యంగా పెట్టుకుందని ఆమె తెలిపారు. ఈ రెండు స్కూటర్లలో ఉపయోగించిన దృఢమైన మెటల్ బాడీ, LiFePO4 బ్యాటరీ ఎక్కువ కాలం మన్నిక, మెరుగైన భద్రత, మరింత నమ్మకమైన పనితీరును అందిస్తాయి. ప్రీమియం బిల్డ్ క్వాలిటీ, ఆధునిక టెక్నాలజీ, మన్నికైన ఎలక్ట్రిక్ స్కూటర్లను భారతీయ వినియోగదారులకు సరసమైన ధరకే అందించడమే తమ కంపెనీ లక్ష్యం.
ఇది కూడా చదవండి: మీ క్రెడిట్ కార్డును ఉపయోగించి ఇన్కమ్ ట్యాక్స్ చెల్లిస్తున్నారా? చిన్న పొరపాటే పెద్ద నష్టం..!
ఇది కూడా చదవండి: Indian Railways: రైలెక్కే ముందు ఎందులో ఎన్ని సీట్లు ఖాళీగా ఉన్నాయో మీ మొబైల్లోనే తెలుసుకోవచ్చు.. టికెట్ పొందడానికి సూపర్ ట్రిక్
మరిన్ని బిజినెస్ వార్తల కోసం ఇక్కడ క్లిక్ చేయండి