Cylinder Price Hike: వినియోగదారులకు బ్యాడ్‌ న్యూస్‌.. పెరిగిన గ్యాస్‌ సిలిండర్‌ ధర

Gas Cylinder

Gas Cylinder Price Hike: గ్యాస్‌ సిలిండర్‌ వినియోగదారులకు ఇది బ్యాడ్‌ న్యూసే. ఎందుకుంటే దేశంలోని కమర్షియల్ గ్యాస్ సిలిండర్ల ధరల్లో పెంచుతూ నిర్ణయం తీసుకున్నాయి ఆయిల్‌ కంపెనీలు.హోటల్స్​, రెస్టారెంట్లలో ఉపయోగించే 19 కేజీల కమర్షియల్‌ ఎల్‌పీజీ గ్యాస్‌ సిలిండర్‌ ధరను రూ.39 మేర పెంచుతున్నట్లు వెల్లడించాయి.

వాణిజ్య గ్యాస్ సిలిండర్ల ధరలు పెరగడం ఇది వరుసగా రెండో నెల. రెండు నెలల్లో వాణిజ్య గ్యాస్ సిలిండర్ ధర రూ.45కు పైగా పెరిగింది. మరోవైపు డొమెస్టిక్ గ్యాస్ సిలిండర్ల ధరలు యథాతథంగా కొనసాగుతున్నాయి. ఈ ధరలో ఎలాంటి మార్పులేదు. చివరిసారిగా మార్చి 2024లో ధరలలో మార్పు కనిపించింది. అప్పటి నుంచి ఇప్పటి వరకు ఎలాంటి మార్పు జరగలేదు. వరుసగా ఆరో నెల కూడా మార్చి నెలలో ఉన్న ధరలే కనిపిస్తున్నాయి. దేశీయ గ్యాస్ సిలిండర్ నుండి వాణిజ్య గ్యాస్ సిలిండర్ వరకు దేశంలోని నాలుగు మెట్రోలలో ధరలు గురించి తెలుసుకుందాం.

ఇది కూడా చదవండి: Vande Bharat: ఈ ప్రాంతాల వారికి గుడ్‌న్యూస్‌.. మరో మూడు వందే భారత్ రైళ్లు.. ప్రారంభించిన మోడీ

గృహ గ్యాస్ సిలిండర్ ధర ఎంత?

IOCL డేటా ప్రకారం, దేశంలోని నాలుగు మెట్రోలలో వరుసగా 6వ నెలలో ఎటువంటి మార్పు కనిపించలేదు. దేశీయ గ్యాస్ సిలిండర్ల ధరలలో చివరి మార్పు మార్చి 9, 2024న కనిపించింది. అప్పటి నుంచి ధరలు అలాగే ఉన్నాయి. దేశ రాజధాని ఢిల్లీలో డొమెస్టిక్ గ్యాస్ సిలిండర్ ధర రూ.803, కోల్ కతాలో రూ.829, ముంబైలో రూ.802.50, చెన్నైలో రూ.818.50, అలాగే హైదరాబాద్‌లో రూ.855ఉంది. మార్చి 9న డొమెస్టిక్ గ్యాస్ సిలిండర్ ధరలో రూ.100 తగ్గింపు, 2023 ఆగస్టు 30న గ్యాస్ సిలిండర్ ధర రూ.200 తగ్గింది.

వాణిజ్య గ్యాస్ సిలిండర్ ఖరీదైనది:

మరోవైపు వాణిజ్య గ్యాస్ సిలిండర్ల ధర వరుసగా రెండో నెల కూడా పెరిగింది. ఢిల్లీ నుంచి చెన్నై వరకు వాణిజ్య గ్యాస్ సిలిండర్ ధర రూ.38 నుంచి రూ.39 పెరిగింది. ఢిల్లీ, ముంబైలలో ధర రూ.39 పెరిగింది. ఆ తర్వాత రెండు మెట్రోల్లో వరుసగా రూ.1691.50, రూ.1644గా మారింది. కాగా కోల్‌కతా, చెన్నైలలో ధరల్లో రూ.38 పెరుగుదల కనిపించింది. ఆ తర్వాత రెండు మెట్రోలలో ధర వరుసగా రూ.1802.50, రూ.1855 ఉండగా, హైదరాబాద్‌లో రూ.1919గా ఉంది.

ఇది కూడా చదవండి: Reliance Jio: జియో యూజర్లకు గుడ్‌న్యూస్‌.. ముఖేష్‌ అంబానీ కీలక ప్రకటన..100GBలు ఉచితం

వరుసగా రెండు నెలల్లో పెరుగుదల ఎంత?

వాణిజ్య గ్యాస్ సిలిండర్ల ధర వరుసగా రెండో నెలలో పెరిగింది. డేటా ప్రకారం, దేశ రాజధాని ఢిల్లీలో వాణిజ్య గ్యాస్ సిలిండర్ ధర రూ.45.5 పెరిగింది. కోల్‌కతాలో రెండు నెలల్లో రూ.46.5 పెరిగింది. ముంబైలో రెండు నెలల్లో రూ.46 ధరలు పెరిగాయి. చెన్నైలో రూ.45.5 పెరిగింది. అయితే రాబోయే రోజుల్లో వాణిజ్య గ్యాస్ సిలిండర్ల ధరలు మరింత పెరిగే అవకాశం ఉందని నిపుణులు చెబుతున్నారు.

ఎల్​పీజీ సిలిండర్​ ధరలను చెక్‌ చేయడం ఎలా?

ఎల్​పీజీ సిలిండర్ అసలు ధరలను తెలుసుకోవాలనుకుంటే, ఇండియన్ ఆయిల్​ అధికారిక వెబ్​సైట్​​ https://iocl.com/prices-of-petroleum-products లో చూడవచ్చు. ఇదే వెబ్​సైట్​లో ఎల్​పీజీ ధరలతోపాటు, జెట్​ ఫ్యూయెల్​, ఆటో గ్యాస్​, కిరోసిన్​ మొదలైన ఇంధనాల ధరలను కూడా తెలుసుకోవచ్చు.

ఇది కూడా చదవండి: New Rules: సెప్టెంబర్‌ నుంచి మారనున్న కీలక మార్పులు ఇవే.. కొత్త నిబంధనలు!

మరిన్ని బిజినెస్ వార్తల కోసం ఇక్కడ క్లిక్ చేయండి