Fixed Deposit: కీలక నిర్ణయం తీసుకోనున్న ప్రభుత్వరంగ బ్యాంకులు.. 5 నుంచి 3 ఏళ్లకు తగ్గనుందా?
కస్టమర్ల నుంచి ఎక్కువ డిపాజిట్లను ఆకర్షించేందుకు ప్రణాళికలు ప్రకటించేందుకు అనుమతించాలని ఎస్‌బీఐ సహా వివిధ ప్రభుత్వరంగ బ్యాంకులు ప్రభుత్వానికి విజ్ఞప్తి చేశాయి. బ్యాంకుల్లో డిపాజిట్లు తగ్గుముఖం పట్టిన నేపథ్యంలో బ్యాంకులు కొత్త తరహా చర్యలపై ఆలోచిస్తున్నాయి . ఈ మేరకు ప్రభుత్వానికి పలు సూచనలు చేశారు. పన్ను ఆదా చేసే ఫిక్స్‌డ్ డిపాజిట్లకు ప్రస్తుతం ఐదేళ్ల వరకు లాక్-ఇన్ పీరియడ్ ఉంది. అయితే..
కస్టమర్ల నుంచి ఎక్కువ డిపాజిట్లను ఆకర్షించేందుకు ప్రణాళికలు ప్రకటించేందుకు అనుమతించాలని ఎస్‌బీఐ సహా వివిధ ప్రభుత్వరంగ బ్యాంకులు ప్రభుత్వానికి విజ్ఞప్తి చేశాయి. బ్యాంకుల్లో డిపాజిట్లు తగ్గుముఖం పట్టిన నేపథ్యంలో బ్యాంకులు కొత్త తరహా చర్యలపై ఆలోచిస్తున్నాయి . ఈ మేరకు ప్రభుత్వానికి పలు సూచనలు చేశారు. పన్ను ఆదా చేసే ఫిక్స్‌డ్ డిపాజిట్లకు ప్రస్తుతం ఐదేళ్ల వరకు లాక్-ఇన్ పీరియడ్ ఉంది. అయితే మూడేళ్లకు తగ్గించేందుకు అనుమతించాలన్నది ఒక సూచన.
2023-24 ఆర్థిక సంవత్సరంలో బ్యాంకుల్లోని రుణాలతో పోలిస్తే డిపాజిట్లు చాలా తక్కువగా ఉన్నాయి. నిధుల సమీకరణ కోసం బ్యాంకులు సర్టిఫికేట్ ఆఫ్ డిపాజిట్ (సీడీ) పథకాలను ఆశ్రయిస్తున్నాయి. ఈ రకమైన సీడీ డిపాజిట్లపై బ్యాంకులు అధిక వడ్డీని అందిస్తాయి.
సాధారణంగా ప్రజలు బ్యాంకుల్లో ఎఫ్‌డిలను ఉంచడం కంటే షేర్లు, మ్యూచువల్ ఫండ్‌లు, ఇఎల్‌ఎస్‌ఎస్ ఫండ్‌లు మొదలైన వాటిలో పెట్టుబడి పెట్టడానికి ఇష్టపడతారు. లాక్-ఇన్ పీరియడ్ ఐదేళ్లు అయినప్పటికీ, ఎక్కువ రాబడి వచ్చే అవకాశాలు ఎక్కువగా ఉన్నాయి. ఇలా ఎక్కువ మంది స్టాక్ మార్కెట్ వైపు మొగ్గు చూపుతున్నట్లు బ్యాంకులు గుర్తించాయి.
ఈ నేపథ్యంలో బ్యాంకుల సంప్రదాయ ఫిక్సడ్‌ డిపాజిట్లలో కొన్ని మార్పులు తీసుకొచ్చి ఇన్వెస్టర్లను ఆకర్షించాలన్నది బ్యాంకుల వాదన. పన్ను ఆదా చేసే ఫిక్స్‌డ్ డిపాజిట్లలో లాక్-ఇన్ వ్యవధిని ఐదేళ్ల నుంచి మూడేళ్లకు తగ్గించడం ప్రయోజనకరంగా ఉంటుందని బ్యాంకులు భావిస్తున్నాయి. 2023-24 సంవత్సరంలో బ్యాంకుల్లో ఇచ్చిన రుణం మొత్తం 16.3 శాతం పెరిగింది. డిపాజిట్ల మొత్తంలో పెరుగుదల 12.9 శాతం మాత్రమే.
మరిన్ని బిజినెస్ వార్తల కోసం ఇక్కడ క్లిక్ చేయండి