బిగ్ బాస్ 3: ఫస్ట్ ఎలిమినేషన్ హేమ.?
అక్కినేని నాగార్జున హోస్ట్‌గా వ్యవహరిస్తున్న ‘బిగ్ బాస్’ సీజన్ 3 ప్రేక్షకుల్లో రోజురోజుకు ఆసక్తిని రేకెత్తిస్తోంది. చూస్తుండగానే వారం గడిచింది. హౌస్ నుంచి తొలి ఎలిమినేషన్ ఎవరనేది ఇవాళ తేలిపోనుంది. ఇది ఇలా ఉండగా మొదటి వారంలో బిగ్ బాస్ హౌస్ నుంచి బయటికి వచ్చేది ఎవరూ అనే దానిపై సోషల్ మీడియాలో నెటిజన్లు పెద్ద ఎత్తున చర్చ జరుపుతుండడం విశేషం. ఇకపోతే తొలివారంలో హేమ, రాహుల్, జాఫర్, వితిక, హిమజ, పునర్నవి ఎలిమినేషన్‌కు నామినేట్ అయ్యారని […]
అక్కినేని నాగార్జున హోస్ట్‌గా వ్యవహరిస్తున్న ‘బిగ్ బాస్’ సీజన్ 3 ప్రేక్షకుల్లో రోజురోజుకు ఆసక్తిని రేకెత్తిస్తోంది. చూస్తుండగానే వారం గడిచింది. హౌస్ నుంచి తొలి ఎలిమినేషన్ ఎవరనేది ఇవాళ తేలిపోనుంది. ఇది ఇలా ఉండగా మొదటి వారంలో బిగ్ బాస్ హౌస్ నుంచి బయటికి వచ్చేది ఎవరూ అనే దానిపై సోషల్ మీడియాలో నెటిజన్లు పెద్ద ఎత్తున చర్చ జరుపుతుండడం విశేషం. ఇకపోతే తొలివారంలో హేమ, రాహుల్, జాఫర్, వితిక, హిమజ, పునర్నవి ఎలిమినేషన్‌కు నామినేట్ అయ్యారని తెలిసిన విషయమే. ఇందులో పునర్నవి, హిమజ సేఫ్ జోన్‌లో ఉండగా.. మిగిలిన నలుగురిలో ఎలిమినేట్ అయ్యేది ఎవరో నాగార్జున ఇవాళ వెల్లడించనున్నాడు.
అయితే తాజా సమాచారం ప్రకారం వితిక, జాఫర్ సేఫ్ అయ్యారని సమాచారం. మిగిలిన ఇద్దరిలో రాహుల్‌కు ఎక్కువ ఓట్లు పడగా.. హేమ చివరి స్థానంలో ఉన్నట్లు తెలుస్తోంది. దీనితో హేమ ఎలిమినేట్ అవుతుందని.. ఆమె స్థానంలో ట్రాన్స్‌జెండర్ తమన్నా సింహాద్రి వైల్డ్ కార్డ్ ద్వారా ఎంట్రీ ఇస్తుందని టాక్. కాగా ఈ వారం ఎలిమినేషన్ జరగదని కూడా సోషల్ మీడియాలో వార్తలు వస్తున్నాయి. మరి ఈ రెండిట్లో ఏది నిజమో కొద్దిసేపట్లో తెలియనుంది.