ఫ్రీ.. ఫ్రీ.. రండి బాబు రండి..! రైతులకు గిట్టుబాటులేక టమాటాలు ఉచితంగా పంపిణీ
జిల్లా మార్కెట్ యార్డులో గిట్టుబాటు ధర లేక అమ్ముడుపోని టమోటాలను ఉచితంగా పంపిణీ చేశారు. అనంతపురం జిల్లా ఉరవకొండ ప్రాంత రైతులు తీసుకొచ్చిన టమోటాలకు కిలోకు రూ.15 ధర నిర్ణయించినప్పటికీ, బహిరంగ మార్కెట్లో ధర రూ.10 ఉండటంతో కొనుగోలుదారులు ముందుకు రాలేదు. దీంతో టమోటాలను ఉచితంగా పంపిణీ చేశారు..
Free Tomato Distribution In Atmakur Market
కర్నూల్, జులై 28: నంద్యాల జిల్లా ఆత్మకూరు మార్కెట్ యార్డులో గిట్టుబాటు ధర లేకపోవడంతో టమోటాలను ఉచితంగా పంపిణీ చేశారు. అనంతపురం జిల్లా ఉరవకొండ ప్రాంతానికి చెందిన రైతుల టమోటాలను కిలో 15 రూపాయల ప్రకారం విక్రయించాలని అధికారులు ఆత్మకూరు మార్కెట్ యార్డుకు తరలించారు. అయితే బహిరంగ మార్కెట్లో టమోటా ధర కిలోకు సుమారు 10 మాత్రమే ఉండటంతో మార్కెట్ యార్డులో 15 రూపాయల ధరకు కొనుగోలుదారులు ముందుకు రాకపోవడంతో టమోటాలు అమ్ముడుపోలేదు.
ఈ నేపథ్యంలో జనసేన నాయకులు ఆ టమోటాలను కొనుగోలు చేసి ప్రజలకు ఉచితంగా పంపిణీ చేశారు. ఉచిత పంపిణీ జరుగుతోందన్న సమాచారం తెలియడంతో పెద్ద సంఖ్యలో పట్టణవాసులు మార్కెట్ యార్డుకు చేరుకుని తమకు అందినంత మేర టమోటాలను తీసుకువెళ్లారు. ప్రజలు టమోటాలను సంచులలో బాక్సులలో కవర్లలో తమ అవసరం కంటే ఎక్కువగా మోసుకపోయారు.
Loading...
Unable to load recommendations.
Follow Us