AP Politics: ఎమ్మెల్యే వర్సెస్ మాజీ ఎమ్మెల్యే.. సోషల్ మీడియాలో నేతల రచ్చ.. చూస్తే షాక్ అవ్వాల్సిందే..

Tv9 Telugu

AP Politics: రాజకీయాలంటేనే రచ్చకు కేరాఫ్ అడ్రస్. నేతల మధ్యమాటల యుద్ధం మామూలుగా ఉండదు. తాజాగా ఏపీకి చెందిన ఓ ఎమ్మెల్యే, మాజీ ఎమ్మెల్యే మధ్య సోషల్ మీడియా వేదికగా పెద్ద వార్ నడుస్తోంది. ఎంతలా పచ్చి బూతుల వరద ప్రవహిస్తోంది. కదిరి ఎమ్మెల్యే సిద్ధారెడ్డిపై నేరుగా అసభ్య పదజాలంతో దూషణలు, పోస్టింగ్‌లు పెట్టారు కొందరు వ్యక్తులు. మొదట లైట్ తీసుకున్న ఎమ్మెల్యే సిద్ధారెడ్డి.. పోస్టింగ్‌లు తారాస్థాయికి చేరడంతో పోలీస్ స్టేషన్‌కు వెళ్లి ఫిర్యాదు చేశారు. తనపై అసభ్య పదజాలంతో పెట్టిన పోస్టులను పబ్లిక్‌గా చదివి వినిపించారు ఎమ్మెల్యే. ఈ వ్యవహారంలో మాజీ ఎమ్మెల్యే కందికుంట వెంకటప్రసాద్ ప్రమేయం ఉందని సిద్ధారెడ్డి ఆరోపించారు. ఈ కేసులో మొదటి ముద్దాయిగా కందికుంట పేరును చేర్చాలని ఎమ్మెల్యే సిద్ధారెడ్డి డిమాండ్ చేశారు. మరోవైపు కదిరి ఎమ్మెల్యే సిద్ధారెడ్డిపై టీడీపీ నేతలు ఫిర్యాదు చేశారు. కందికొండ లక్ష్యంగా సోషల్ మీడియా వేదికగా బూతులు తిట్టుస్తున్నారంటూ రివర్స్ కేస్ పెట్టారు. ఎమ్మెల్యేనే మొదటి ముద్దాయిగా చేర్చాలంటూ టీడీపీ నేతలు డిమాండ్ చేస్తున్నారు. ఎమ్మెల్యే, మాజీ ఎమ్మెల్యే మధ్య జరుగుతున్న ఈ మాటల యుద్ధంతో కదిరి రాజకీయాలు రచ్చరచ్చగా మారాయి. మున్ముందు ఈ పరిస్థితులు ఎటువైపు దారితీస్తాయో అని స్థానిక ప్రజలు ఆందోళన వ్యక్తం చేస్తున్నారు.

Also read: 

Bamboo Diya: వెదురు దీపాలను, కొవ్వొత్తులను ఎంచుకోండి .. మనదేశీయ ఉత్పత్తులను ప్రోత్సహించండి

RRR Movie: ఇండియన్ సినిమా చరిత్రలో సరికొత్త అధ్యాయం… ఆర్ఆర్ఆర్ కోసం రాజమౌళి మరో ముందడుగు..

Indian Railways: IRCTCకి పెను ఊరట.. ఆ నిర్ణయాన్ని వెనక్కి తీసుకోనున్న రైల్వే శాఖ