ఆటో ఎక్కిన యువతితో అసభ్యంగా.. గమ్య స్థానంలో ఆపకుండా.. నిర్జన ప్రదేశానికి తీసుకెళ్లి
గమ్యస్థానానికి చేర్చాల్సిన ఓ ఆటో డ్రైవర్.. ఆటో ఎక్కిన యువతి పట్ల అసభ్యంగా ప్రవర్తించాడు. ఇంటివద్ద దింపకుండా ముందుకు వేగంగా వెళ్తుండటంతో బాధితురాలికి...
గమ్యస్థానానికి చేర్చాల్సిన ఓ ఆటో డ్రైవర్.. ఆటో ఎక్కిన యువతి పట్ల అసభ్యంగా ప్రవర్తించాడు. ఇంటివద్ద దింపకుండా ముందుకు వేగంగా వెళ్తుండటంతో బాధితురాలికి అనుమానం వచ్చింది. ఇంటి వద్ద ఉన్న తన సోదరునికి సమాచారం అందించింది. అతను పోలీసుల సహాయంతో నిర్జన ప్రదేశానికి చేరుకుని ఆమెను రక్షించారు. అనంతరం నిందితుడు పరారయ్యాడు. ఈ క్రమంలో మంగళవారం నిందితుడిని అదుపులోకి తీసుకుని అరెస్టు చేశారు. గుంటూరు(Guntur) జిల్లా వినుకొండ(vinukonda) కు చెందిన బూసిరాజు చిన వెంగళరావు.. పట్టణంలో ఆటో నడుపుతున్నాడు. ఈ నెల17న స్తూపం కూడలిలో రాత్రి 9 గంటల తర్వాత డ్రైవర్స్‌ కాలనీకి చెందిన ఓ యువతి అతని ఆటో ఎక్కింది. గమ్య స్థానానికి చేరుకున్నప్పటికీ.. ఆటో ఆపకపోవడంతో యువతికి అనుమానం వచ్చింది.
ఇంటి వద్ద ఉన్న తన సోదరునికి చరవాణి నుంచి సందేశం పంపింది. దీంతో అప్రమత్తమైన అతను.. పోలీసుల సహకారంతో నరసరావుపేట రోడ్డులోని బాలాజీ ఎస్టేట్‌ పక్కన నిర్జన ప్రదేశంలోకి చేరుకుని ఆమెను రక్షించి ఇంటికి తీసుకొచ్చారు. అప్పటి నుంచి పరారీలో ఉన్న ఆటో డ్రైవర్ చిన వెంగళరావు కోసం గాలింపు చేపట్టారు. ఈ క్రమంలో మంగళవారం వెల్లటూరు రోడ్డులో అతన్ని అరెస్టు చేసినట్లు పోలీసులు తెలిపారు. గతంలోనూ ఒకరిద్దరి పట్ల ఇలాగే అసభ్యంగా ప్రవర్తించినట్లు తమ విచారణలో వెల్లడైందని వెల్లడించారు.
Also Read
Viral Photo: ఈ ఫోటోలో విరాట్ కోహ్లీ ఎక్కడున్నాడో గుర్తించండి.. ఈజీగా కనిపెట్టచ్చండోయ్!
Tamil Nadu: తమిళనాడు స్థానిక సంస్థల ఎన్నికల్లో అధికార పార్టీదే హవా.. చెన్నైలో డీఎంకే క్లీన్‌స్వీప్‌
