CM Jagan: పుత్రికోత్సాహం… కుమార్తె ఎదుగుదలను చూసి గర్వపడుతూ సీఎం జగన్ ఎమోషనల్ ట్వీట్
ఏపీ ముఖ్యమంత్రి వైఎస్ జగన్ పుత్రికోత్సాహంతో ఉన్నారు. నాలుగు రోజుల పారిస్ పర్యటనలో ఉన్న జగన్.. తన కుమార్తె హర్షా రెడ్డి స్నాతకోత్సవానికి హాజరయ్యారు.
CM Jagan Daughter: ఆంధ్రప్రదేశ్ ముఖ్యమంత్రి జగన్.. ఇప్పుడు ఫుల్ హ్యాపీగా ఉన్నారు. పారిస్(Paris) పర్యటనలో ఉన్న జగన్.. తన కుమార్తె హర్షా రెడ్డి స్నాతకోత్సవానికి హాజరయ్యారు. సీఎం జగన్ పెద్ద కుమార్తె హర్ష పారిస్‌లోని ఇన్సీడ్ బిజినెస్ స్కూల్‌లో మాస్టర్స్ కంప్లీట్ చేశారు. ఆమె స్నాతకోత్సవం కార్యక్రమంలో జగన్ భార్య భారతి(Y S Bharati)తో కలిసి పాల్గొన్నారు. ఇందుకు సంబంధించిన ఫొటోను ట్విట్టర్‌లో షేర్ చేశారు. ఈ సందర్భంగా కుమార్తె ఎదుగుదలను చూసి గర్వపడుతూ ఎమోషనల్ పోస్ట్ పెట్టారు. ‘‘డియర్ హర్షా.. నీ ఎదుగుదలను చూడటం అద్భుతమైన జర్నీ. దేవుడు దయ నీపై ఉంది. ఇన్సీడ్ నుంచి డిస్టింక్షన్‌లో నువ్వు గ్రాడ్యుయేషన్ పూర్తి చేయడం నాకు గర్వంగా ఉంది. నీకు దేవుడు ఎప్పుడు మంచి చేయాలని కోరుకుంటున్నా’’ అని ట్వీట్ చేశారు. ఈ సందర్భంగా తెలుగు రాష్ట్రాలకు చెందిన పలువురు రాజకీయ నేతలు, జగన్ అభిమానులు, పార్టీ కార్యకర్తలు వర్షాకు శుభాకాంక్షలు చెబుతున్నారు. కాగా ఇన్సీడ్‌లో చేరడానికి ముందు హర్షా రెడ్డి లండన్ స్కూల్ ఆఫ్ ఎకనమిక్స్‌లో చదివారు.
Dear Harsha, it’s been a wonderful journey watching you grow up. God has been abundantly gracious. Today I’m proud to see you graduate from INSEAD with distinction and on the Dean’s list. Wishing you God’s very best! pic.twitter.com/7FuZcXp4uT
— YS Jagan Mohan Reddy (@ysjagan) July 2, 2022
Y.S. Harshini Reddy,
D/o @ysjagan takes masters in management with distinction.
So proud and God bless her! #YSHarshiniReddy pic.twitter.com/GP7D4Q4lNc— YSRCP Digital Media (@YSRCPDMO) July 2, 2022
హర్షారెడ్డి కాన్వకేషన్ కోసం జూన్ 28న సీఎం జగన్ సతీసమేతంగా పారిస్ వెళ్లారు. తిరిగి జూలై 3న ఏపీకి రానున్నారు. జూలై 4వ తేదీ ప్రధాని మోదీ రాష్ట్రానికి రానున్న నేపథ్యంలో సీఎం ఆయనకు స్వాగతం పలకనున్నారు.