Sand Artist Sudarsan Pattnaik : అమెరికా అధ్యక్షుడికి ‘సైకత’ శిల్పి శుభాకాంక్షలు..

Sand Artist Sudarsan Pattnaik : అమెరికాలో కొలువుదీరనున్న కొత్త సర్కార్‌కు భారతీయులు స్వాగతం పలుకుతున్నారు. అమెరికా కొత్త అధ్యక్ష, ఉపాధ్యక్షులు బైడెన్​, కమలా హారిస్​కు ప్రముఖ సైకత శిల్పి సుదర్శన్​ పట్నాయక్​ తనదైన శైలిలో శుభాకాంక్షలు తెలిపారు. భారత్​- అమెరికాల మధ్య సంబంధం మరింత బలపడాలని కాంక్షించారు.

అమెరికా కొత్త అధ్యక్ష, ఉపాధ్యక్షులుగా నేడు బాధ్యతలు చేపట్టబోయే బైడెన్​, కమలా హారిస్​ ఇవాళ ప్రమాణం స్వీకారం చేయనున్నారు. ఈ సందర్భంగా 14 టన్నుల ఇసుకతో సైకత శిల్పం నిర్మించాడు శిల్పి సుదర్శన్​ పట్నాయక్. బైడెన్​, కమలా హారిస్​ చిత్రాలతో పాటు అమెరికా జాతీయ జెండా, వైట్​ హౌస్​ను ప్రతిబింబిస్తోంది. భారత్​ అమెరికాల మధ్య బంధం బలపడాలని ఆశిస్తూ 20 అడుగుల పొడవు, 7 అడుగుల వెడల్పుతో ఈ సైకత శిల్పాన్ని నిర్మించారు సుదర్శన్​ పట్నాయక్​.