మరో ఘోర విమాన ప్రమాదం..! టేకాఫ్‌ అయిన కొద్దిసేపటికే కుప్పకూలిపోయింది..

London Plane Crash

అహ్మాదాబాద్‌ విమాన ప్రమాద దుర్ఘటన మరవక ముందే.. మరో ఘోర ప్రమాదం చోటు చేసుకుంది. ఈ ప్రమాదం లండన్‌లో చోటు చేసుకుంది. లండన్‌లోని సౌత్‌ఎండ్‌ ఎయిర్‌పోర్ట్‌లో విమానం కుప్పకూలింది. ఎయిర్‌పోర్ట్‌ నుంచి టేకాఫ్‌ అయిన కాసేపటికే బీ200 అనే విమానం కూలిపోయింది. విమానం కూలిన వెంటనే పెద్ద ఎత్తున పేలుడు, మంటలు సంభవించాయి. ఈ ప్రమాదంలో ఎంతమంది ప్రాణాలు కోల్పోయారో, ఎన్ని మంది గాయపడ్డారో ఇంకా తెలియరాలేదు. ఈ ప్రమాదానికి సంబంధించి మరిన్ని వివరాలు తెలియాల్సి ఉంది.