బైడెన్కు షాకిచ్చిన ట్రంప్.. ఆ అనుమతులు రద్దు
రెండో సారి అమెరికా అధ్యక్ష బాధ్యతలు చేపట్టిన డొనాల్డ్ ట్రంప్ తనదైనశైలిలో పాలనలో దూకుడు పెంచారు. ఈ క్రమంలో ఎన్నో కీలక నిర్ణయాలు తీసుకుంటున్నారు. పనామా నదిపై పంతం నెగ్గించుకున్నారు.. చైనా, కెనడా, పనామా తదితర దేశాలపై సుంకాల కొరడా ఝళిపించిన ట్రంప్ తాజాగా మరో కీలక నిర్ణయం తీసుకున్నారు. అమెరికా మాజీ అధ్యక్షుడు జోబైడెన్కు కొన్ని అనుమతులు రద్దు చేస్తున్నట్టు ప్రకటించారు.
జో బైడెన్ దేశ రహస్య సమాచారం తెలుసుకోవాల్సిన అవసరం లేదని ట్రంప్ వ్యాఖ్యానించారు. ఈ సందర్భంగా ఆయా అనుమతులను రద్దు చేస్తున్నట్లు ట్రంప్ ప్రకటించారు. ట్రూత్ సోషల్ వేదికగా ఆయన ఈ విషయాన్ని వెల్లడించారు. ‘ప్రస్తుతం జో బైడెన్ రహస్య సమాచారం పొందాల్సిన అవసరం లేదు. అందువల్ల మేము వెంటనే ఆయన భద్రతా అనుమతులను రద్దు చేస్తున్నాం. ఆయన రోజువారీ ఇంటెలిజెన్స్ బ్రీఫింగ్లను నిలిపివేస్తున్నాం. 2021లో నాకు ఇంటెలిజెన్స్ కమ్యూనిటీ నుంచి జాతీయ భద్రతా సమాచారం తెలుసుకోవడాన్ని నిలిపివేశారు.