గాల్లో 28 వేల అడుగులకు పడిపోయిన విమానం.. బ్రిటిష్‌ ఎయిర్‌వేస్‌లో ఎమర్జెన్సీ

లండన్ నుంచి అమెరికాలోని చికాగోకు బయలుదేరిన బ్రిటిష్ ఎయిర్‌వేస్ విమానంలో తీవ్ర గందరగోళం, అత్యవసర పరిస్థితి తలెత్తింది. లండన్ హీత్రో విమానాశ్రయం నుంచి టేకాఫ్ అయిన బోయింగ్ 777-200ER విమానం ఐర్లాండ్ గగనతలంలో ప్రయాణిస్తుండగా ఈ దిగ్భ్రాంతికర ఘటన చోటుచేసుకుంది. సుమారు 37 వేల అడుగుల ఎత్తులో ప్రయాణిస్తున్న సమయంలో విమానం ఒక్కసారిగా వేగంగా కిందకు దిగడం ప్రారంభించి, కొద్దిసేపట్లోనే 9 వేల అడుగుల ఎత్తుకు చేరుకుంది. అంటే దాదాపు 28 వేల అడుగుల మేర పడిపోవడంతో విమానంలో తీవ్ర అత్యవసర పరిస్థితి నెలకొంది. వెంటనే పైలట్లు విమానయాన అత్యవసర కోడ్ ‘7700’ను ప్రసారం చేశారు. సాధారణంగా గాల్లో సాంకేతిక సమస్యలు లేదా అత్యవసర పరిస్థితులు ఏర్పడినప్పుడు ప్రాధాన్య సహాయం కోసం ఈ కోడ్‌ను ఉపయోగిస్తారు. అత్యవసర కోడ్ జారీ చేసిన అనంతరం పైలట్లు వెంటనే సమయస్ఫూర్తితో వ్యవహరించి చికాగో ప్రయాణాన్ని రద్దు చేసుకున్నారు. విమానాన్ని తిరిగి లండన్ హీత్రో విమానాశ్రయం వైపు మళ్లించి సురక్షితంగా ల్యాండ్ చేసేందుకు చర్యలు చేపట్టారు. అయితే ఈ హఠాత్తు పరిణామానికి గల స్పష్టమైన కారణాలు ఇంకా వెల్లడికాలేదు. విమానంలో ఏదైనా తీవ్రమైన సాంకేతిక లోపం తలెత్తిందా? లేదా ప్రయాణికులకు ఏమైనా వైద్య అత్యవసర పరిస్థితి ఏర్పడిందా? అనే దానిపై బ్రిటిష్ ఎయిర్‌వేస్ యాజమాన్యం నుంచి అధికారిక వివరణ రావాల్సి ఉంది. గాల్లో ప్రయాణిస్తున్న సమయంలో ఒక్కసారిగా వేల అడుగుల ఎత్తు నుంచి విమానం కిందకు దిగడంతో ప్రయాణికులు తీవ్ర భయాందోళనకు గురయ్యారు.

మరిన్ని వీడియోల కోసం ఇక్కడ క్లిక్ చేయండి

Also Watch:

భూమి పై భారీ ఉల్కాపాతం..! ఆ జీవరాశుల అంతానికి, దీనికి సంబంధమేంటి?

దృశ్యం సినిమా తరహాలో తండ్రిని చంపేసాడు.. చివరికి

శివాలయంలో అద్భుత దృశ్యం..శివలింగం చుట్టూ నాగుపాముల ప్రదక్షిణలు

Rakul Preet Singh: మీరు అనుకుంటున్నట్టు నాకు ఎవరూ గిఫ్ట్‌లు.. విల్లాలు ఇవ్వలేదు!

Janhvi Kapoor: ఆ నీచులు చేసింది లైగిక వేధింపులకు తక్కువేం కాదు