పెంపుడు జంతువులలో కుక్కలు మనుషులకు అత్యంత ఇష్టమైనవి. వాటిని యజమానులు తమ కుటుంబ సభ్యుల్లా భావిస్తారు. అందరూ ఎంతో ప్రేమగా చూస్తారు. అలాగే ఆ కుక్క కూడా ఆ కుటుంబాన్ని ఎంతో విశ్వాసంగా కాపాడుతుంటుంది. వారికోసం తన ప్రాణాలనుసైతం ఫణంగా పెట్టి రక్షణగా ఉంటుంది. అలాంటి కుక్కను ఓ తల్లి ఎంతగా ఆదరిస్తుందో చూస్తే ఆశ్చర్యపోతారు. అందుకు సంబంధించిన వీడియో నెట్టింట వైరల్ అవుతోంది. ఈ వీడియోలో ఓ ఇంట్లో మహిళ తన పెంపుడు కుక్కకు అన్నం తినిపిస్తోంది. పసిబిడ్డకు తల్లి ఎంతగా బుజ్జగించి బువ్వ పెడుతుందో అంతగా ఆ కుక్కకు గోరుముద్దలు తినిపిస్తోంది. ఆ తల్లి చేత్తో అలా ముద్దలు పెడుతుంటే ఆ శునకం ఎంతో ప్రేమగా..గారాబంగా ఆతల్లివైపు చూస్తుంది. ఈ క్యూట్‌ వీడియోను ఓ యూజర్‌ తన సోషల్‌ మీడియా ఖాతాలో షేర్‌ చేశారు. దాంతో ఇది ఇప్పుడు నెట్టింట తెగ వైరల్ అవుతోంది. వీడియో చూసిన నెటిజన్లు ఎంతగానో ఆకర్షితులవుతున్నారు. ఈ వీడియోను ఇప్పటికే రెండు లక్షలమందికి పైగా వీక్షించారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
గుండెపోటు.. ఆరోజే ఎందుకు వస్తోంది ?? అధ్యయనాలు ఏం చెబుతున్నాయి ??