కొత్త కారు.. షోరూమ్‌నుంచి బయటకు తీస్తుండగా.. ఏం జరిగిందో మీరే చూడండి
కర్ణాటకలోని సాగర్ పట్టణంలో కొత్త కారు డెలివరీ తీసుకున్న కొద్దిసేపటికే ప్రమాదం జరిగింది. మారుతీ షోరూమ్ నుంచి ప్రధాన రహదారిపైకి వస్తుండగా కారు అదుపుతప్పి రక్షణ కంచెను ఢీకొట్టి, ఆ మార్గంలో వెళ్తున్న బైక్‌ను గుద్దింది. ఈ ఘటనలో ద్విచక్ర వాహనంపై ఉన్న ఇద్దరు గాయపడ్డారు. ప్రమాద దృశ్యాలు సీసీటీవీలో రికార్డవడంతో సోషల్ మీడియాలో వైరల్‌గా మారాయి. పోలీసులు కేసు నమోదు చేసి దర్యాప్తు చేస్తున్నారు.
కొత్త కారు కొన్నాననే సంతోషం క్షణాల్లోనే ఆవిరైపోయింది. కారు డెలివరీ తీసుకుని షోరూమ్ నుంచి రోడ్డుపైకి అడుగుపెట్టిన మరుక్షణమే ఘోర ప్రమాదం జరిగింది. కర్ణాటకలోని సాగర్ పట్టణంలో జరిగిన ఈ షాకింగ్‌ సంఘటన స్థానిక సీసీటీవీ కెమెరాల్లో రికార్డయింది. ప్రస్తుతం ఆ వీడియో సోషల్ మీడియాలో విపరీతంగా వైరల్ అవుతోంది. బాధితులు మరియు స్థానికులు తెలిపిన వివరాల ప్రకారం.. సాగర్ పట్టణంలోని ఒక మారుతీ షోరూమ్‌లో కారు యజమాని కొత్త వాహనాన్ని డెలివరీ తీసుకున్నారు. అనంతరం కారును నడుపుకుంటూ షోరూమ్ ప్రాంగణం నుంచి ప్రధాన రహదారిపైకి తీసుకొస్తున్న క్రమంలో డ్రైవర్ నియంత్రణ కోల్పోయారు. దాంతో అదుపుతప్పిన ఆ కొత్త కారు వేగంగా వెళుతూ ముందుగా రోడ్డు పక్కనే ఉన్న రక్షణ కంచెను బలంగా ఢీకొట్టింది. అంతటితో ఆగకుండా, అదే సమయంలో ఆ మార్గంలో వెళ్తున్న ఒక ద్విచక్ర వాహనాన్ని గుద్దింది. ఈ అనూహ్య ప్రమాదంలో బైక్‌పై ప్రయాణిస్తున్న ఇద్దరు వ్యక్తులు రోడ్డుపై పడి తీవ్రంగా గాయపడ్డారు. ప్రమాదం జరిగిన వెంటనే ఘటనా స్థలంలో తీవ్ర గందరగోళం, భయాందోళనలు నెలకొన్నాయి. స్థానికులు వెంటనే స్పందించి గాయపడిన వారిని ఆసుపత్రికి తరలించారు. కారు అదుపుతప్పడానికి సాంకేతిక లోపమా లేక డ్రైవింగ్ పొరపాటా అన్నది ఇంకా స్పష్టం కాలేదు. బయటకు వచ్చిన సీసీటీవీ దృశ్యాల ఆధారంగా స్థానిక పోలీసులు కేసు నమోదు చేసుకుని దర్యాప్తు వేగవంతం చేశారు. క్షతగాత్రుల వివరాలు సేకరిస్తూ ప్రమాదానికి గల పూర్తి కారణాలను విచారిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
KimJongUn: కిమ్‌ జోంగ్‌ ఉన్‌ ఇక లేరా.. సోషల్ మీడియా ప్రచారంలో నిజమెంత?