ఫోన్‌‌ చూసీ.. చూసీ.. యువకుడికి సరికొత్త వ్యాధి.. ఆ సామర్థ్యాన్ని కోల్పోయిన బాధితుడు

మీ పిల్లలు కానీ, మీరు కానీ స్మార్ట్‌ఫోన్‌కు అడిక్ట్ అయ్యారా? అయితే జర జాగ్రత్త. అలవాటు మార్చుకోకపోతే తీవ్రమైన సమస్యను ఎదుర్కోవలసి వస్తుంది. గంటల తరబడి మెడ వంచి ఫోన్‌ చూస్తున్నట్లయితే మెడ పనితీరు దెబ్బతినొచ్చు. తలపైకి ఎత్తే సామర్థ్యాన్ని పూర్తిగా కోల్పోవచ్చు. తాజాగా ఓ 25 ఏళ్ల యువకుడి విషయంలో అదే జరిగింది. జపాన్‌లోని 25 ఏళ్ల యువకుడు డ్రాప్డ్‌ హెడ్‌ సిండ్రోమ్‌తో బాధపడుతున్నట్లు డాక్టర్లు నిర్థారించారు. ఫోన్ చూసీ.. చూసీ.. నిరంతరం సాగదీతకు గురైంది అతని మెడ ఎముక. అలాగే స్కార్‌ టిష్యూ ఏర్పడి వెన్నపూసలో తీవ్రమైన మార్పులు జరిగినట్లు గుర్తించారు. మెడపై వాపుతో పాటు మెడను కదిలించేందుకు సహకరించే కీళ్లు అతనిలో దెబ్బతిన్నాయి. కండరాలు పూర్తిగా పనిచేయకుండా స్తంభించిపోయాయి. ఈ అరుదైన స్థితినే వైద్య పరిభాషలో ‘డ్రాప్డ్ హెడ్ సిండ్రోమ్’ DHSగా పిలుస్తారు. ప్రస్తుతం ఇందుకు సంబంధించిన వార్త సోషల్ మీడియాలో వైరల్ అవుతోంది. జపాన్ యువకుడికి ఈ వ్యాధి కొంతకాలంగా ఉంది. అతని కేసును స్టడీ చేసి ఈ పరిస్థితికి దారి తీసిన కారణాలను JOS జర్నల్‌లో కేస్‌ స్టడీగా ప్రచురించారు. చిన్నతనంలో చురుగ్గా ఉన్న పిల్లాడు టీనేజ్‌ వయసులో తీవ్ర ఒత్తిడి లోనయ్యాడట. సహ విద్యార్థుల బెదిరింపులకు దూరంగా ఒంటరిగా ఫోన్‌ చూడటం అలవాటు చేసుకున్నాడు. మెడ వంచి గంటల తరబడి ఫోన్‌ చూడటంతో కొన్నేళ్లకి మెడలో సమస్య మొదలైంది. తరచుగా గంటల తరబడి ఫోన్లు, ట్యాబ్‌లు, కంప్యూటర్లు వంటి వాటిని తలకిందకు వంచి చూసే పరిస్థితి కారణంగా డ్రాప్డ్ హెడ్ సిండ్రోమ్ వచ్చే అవకాశం ఉందని నిపుణులు చెబుతున్నారు. మస్క్యులర్ డిస్ట్రోఫీ, పార్కిన్సన్స్, లేదా ఇతర న్యూరో మస్కులర్ రుగ్మతలు కూడా రావచ్చు. దీని బారిన పడిన వారు ఆహారం తీసుకోవడంలో ఇబ్బంది పడతారు. సాధారణ బరువును కూడా కోల్పోతారు. మెడ కండరాల బలహీనత వల్ల తలను సమానంగా ఎత్తే సామర్థ్యాన్ని కోల్పోతారు.

మరిన్ని వీడియోల కోసం ఇక్కడ క్లిక్ చేయండి

Also Watch:

ప్రభాస్‌ సినిమాకు OTT దెబ్బ..! రిలీజ్‌ కష్టమేనా?

స్పిరిట్ సినిమాపై అతి తెలివిగా మాట్లాడిన త్రిప్తి

రిలీజ్‌కు ముందే 50 కోట్లు కొల్లగొట్టిన కింగ్‌ ??

స్పెషల్ లేడీతో మహేష్ మాస్ స్టెప్పులు.. కుర్చీని తిరగేసే ప్లాన్ చేస్తున్న జక్కన్న

‘గోదారి గట్టు’ సాంగ్‌ను మించేలా.. చిరుతో నయన్ రొమాంటిక్‌ సాంగ్