పెంపుడు కుక్కలు వారి యజమానులతో కలిసి ఎంతో సరదాగా ఎంజాయ్ చేస్తాయి. ఒక్కోసారి అవి చేసే విన్యాసాలు అద్భుతంగా ఉంటాయి. తాజాగా అలాంటి వీడియో ఒకటి సోషల్ మీడియాలో వైరల్ అవుతోంది. ఓ కుక్క నాలుగేళ్ల చిన్నారితో కలిసి విన్యాసాలు చేస్తుంది. ఆ చిన్నారి ఏం చెప్తే అది చేస్తుంది. ఆ పాప చేతులు పక్కకు చాపితే వాటిపైనుంచి జంప్ చేస్తుంది. కాలు పైకి ఎత్తితే దాని కిందనుంచి అటూ ఇటూ తిరుగుతుంది. ఆమె నేలపై పాకుతుంటే తనతోపాటే పాకుతుంది. రెండు కాళ్లు పైకెత్తి గిరగిరా తిరుగుతుంది. ఆ చిన్నారి ఎవరినో పిలుస్తుంటే తనూ పిలుస్తుంది. ఆ బాలిక తలక్రిందులుగా నిలబడితే ఆమె పైనుంచి జంప్ చేస్తుంది.. అబ్బో ఈ కుక్క విన్యాసాలు చూడాల్సిందే.. చెప్పడానికి వీలుకానంతగా చేస్తోంది. ఇప్పుడు ఈ వీడియో సోషల్ మీడియాలో వైరల్గా మారింది. ఈ వీడయో చూసిన నెటిజన్లు వారిద్దరి విన్యాసాలకు ఫిదా అయిపోతున్నారు. మానవులు, జంతువులు ఎందుకు మంచి స్నేహితులుగా ఉంటారో అందరికీ అర్థమవుతుందంటూ కామెంట్ చేస్తున్నారు.