భూమ్మీద అత్యంత ప్రమాదకరమైన పాము.. కన్నుమూసి తెరిచే లోపే ప్రాణాలు తీసేస్తుంది!

మనం సాధారణంగా పాములను చూస్తే భయపడతాం. కానీ బ్లాక్ మాంబాను చూస్తే సాక్షాత్తు యమధర్మరాజును చూసినట్టే అని ఆఫ్రికా అడవుల్లో ఉండేవారు చెబుతుంటారు. ఇది ప్రపంచంలోనే అత్యంత వేగవంతమైన, ప్రమాదకరమైన పాములలో ఒకటి. దీని శరీరం బూడిద రంగులో ఉన్నా, దీనికి ‘బ్లాక్ మాంబా’ అనే పేరు ఎలా వచ్చిందో తెలుసా? ఇది కోపంతో నోరు తెరిచినప్పుడు లోపలి భాగం కాటుకలాంటి నలుపు రంగులో కనిపిస్తుంది. అందుకే దీనికి ఆ పేరు వచ్చింది. బ్లాక్ మాంబా పొడవు దాదాపు మూడు నుంచి ఐదు మీటర్ల వరకు ఉంటుంది. అంటే ఒక మనిషి కంటే పొడవుగా ఇది గాలిలోకి లేవగలదు. సాధారణంగా పాములు మెల్లగా పాకుతాయని మనం అనుకుంటాం, కానీ ఇది గంటకు 18 నుంచి 22 కిలోమీటర్ల వేగంతో దూసుకుపోతుంది. అంటే మీరు పరిగెత్తినా ఇది మిమ్మల్ని వెంటాడి పట్టుకోగలదు. దీనికి కోపం వస్తే ఆరు అడుగుల ఎత్తుకు లేచి, తన నల్లటి నోటిని చూపిస్తూ హెచ్చరిస్తుంది. ఆ సమయంలో దానికి ఎదురుపడటం అంటే చావును కొనితెచ్చుకోవడమే. బ్లాక్ మాంబా విషం ఎంత పవర్‌ఫుల్ అంటే.. అది నేరుగా నాడీ వ్యవస్థపై దాడి చేస్తుంది. ఒకసారి కాటు వేస్తే, సరైన మందు అందకపోతే కేవలం రెండు గంటల్లో మనిషి చనిపోతాడు. విచిత్రం ఏంటంటే, ఇది ఒక్కసారి కరిచి వదిలేయదు. ఒకే గంటలో 20 సార్లు కరవగల సామర్థ్యం దీనికి ఉంది. అందుకే దీన్ని అడవిలో అత్యంత క్రూరమైన వేటగాడు అంటారు. ఈ పాము ఎక్కువగా ఆఫ్రికా అడవుల్లో, చెట్ల కొమ్మల మీద నివసిస్తుంది. సాయంత్రం వేళల్లోనే ఇది వేట మొదలుపెడుతుంది. చిన్న చిన్న పక్షులు, ఎలుకలను అమాంతం మింగేస్తుంది. పెద్ద జంతువులను కరిచినప్పుడు, అవి విషం వల్ల బలహీనపడి పడిపోయే వరకు ఓపికగా వేచి చూసి, ఆ తర్వాత తన ఆహారంగా మార్చుకుంటుంది. ప్రకృతిలోని వింతల్లో ఈ బ్లాక్ మాంబా నిజంగా ఒక అద్భుతం.

మరిన్ని వీడియోల కోసం ఇక్కడ క్లిక్ చేయండి

Also Watch:

ప్రతీ రోజూ నడకతో.. శరీరంలో అద్భుత మార్పులు!