Anaivari Waterfalls: కళ్లముందే ప్రళయం..! బండరాళ్లపై చిక్కుకుపోయిన తల్లీ బిడ్డలు.. నెట్‌లో వైరల్ వీడియో..
తమిళనాడులోని అనైవారి జలపాతాల వద్ద ఆకస్మిక వరదల్లో చిక్కుకున్న ఒక మహిళతోపాటు ఓ చిన్నారిని ప్రాణాలకు తెగించి రక్షించారు స్థానికులు. ప్రస్తుతం ఈ వీడియో ఇప్పుడు సోషల్ మీడియాలో సంచలనంగా మారింది.
తమిళనాడులోని అనైవారి జలపాతాల వద్ద ఆకస్మిక వరదల్లో చిక్కుకున్న ఒక మహిళతోపాటు ఓ చిన్నారిని ప్రాణాలకు తెగించి రక్షించారు స్థానికులు. ప్రస్తుతం ఈ వీడియో ఇప్పుడు సోషల్ మీడియాలో సంచలనంగా మారింది. ప్రాణాలను పణంగా పెట్టి ఆ గ్రామస్థులు చేసిన సాహసాన్ని నెటిజన్లు ఎంతగానో మెచ్చుకుంటున్నారు.
తమిళనాడులోని అనైవారి జలపాతానికి టూరిస్టులు పోటెత్తారు. ఈ క్రమంలోనే ఓ మహిళ తన బిడ్డతోపాటు వరద ప్రవాహంలో చిక్కుకుపోయింది. పర్యాటకులు చూస్తుండగానే జలపాతం ఉగ్రరూపం దాల్చింది. అప్పటి వరకు జలపాతం నీటిలో ఆడుకుంటున్న జనం పరుగులు పెట్టారు. అయితే అటువైపు ఓ బండ రాయిపై కూర్చుని చూస్తున్న ఆ మహిళ అక్కడే ఉండిపోయింది. దీంతో స్థానికులు ప్రాణాలకు తెగించి ఆ మహిళను రక్షించారు. అందరి నడుములకు ఉన్న బెల్టులను ఓ తాడుగా మార్చారు. వాటి సహాయంతో ఆ ఇద్దరిని సురక్షితంగా ఒడ్డుకు చేర్చారు. తల్లి బిడ్డల్నీ కాపాడే ప్రయాత్నంలో ఓ ఇద్దరు గ్రామస్థులు కాలు జారి నీటి ప్రవాహంలో పడిపోయారు. కానీ, వారు ఈదుకుంటూ సమీపంలోని ఒడ్డుకు వచ్చారు. దీంతో అంతా ఊపిరి పీల్చుకున్నారు. అనైవారి జలపాతాలు ఒక ప్రసిద్ధ పర్యాటక ప్రదేశం. కాగా, జరిగిన ఈ ఘటనతో అధికారులు జలపాతం వద్ద తాత్కాలికంగా నిషేధం విధించారు.
మరిన్ని చదవండి ఇక్కడ: Samantha Painting Photos: నెట్టింట వైరల్ అవుతున్న ‘సమంత’ పెయింటింగ్ వేస్తున్న ఫొటోస్.. ఎవరి బొమ్మ గీసిందో చూడండి..