బాసర శ్రీ జ్ఞాన సరస్వతి అమ్మవారి ఆలయం భక్తులతో కిటకిటలాడుతోంది. శ్రావణ మాసం చివరి శుక్రవారం కావడంతో అమ్మవారిని దర్శించుకునేందుకు భక్తులు భారీగా తరలివస్తున్నారు. ఉదయం గోదావరి నదిలో పుణ్య స్నానాలు ఆచరించి అమ్మవారిని దర్శించుకునేందుకు క్యూ లైన్ లో నిలుచున్నారు. తల్లిదండ్రులు తమ చిన్నారులకు అక్షరాభ్యాసం చేయిస్తున్నారు. భక్తులకు ఎలాంటి ఇబ్బందులు కలగకుండా అన్ని ఏర్పాట్లు చేసినట్టుగా ఆలయ అధికారులు తెలిపారు. మహిళలు పెద్ద సంఖ్యలో వరలక్ష్మి వ్రతాలు నిర్వహించారు. భక్తులకు పూజ సామగ్రిని దేవస్థానం నుండి అందించారు. వరలక్ష్మి వ్రతం అనంతరం మహిళలకు అమ్మవారి దర్శనం, ప్రసాదాలను అందించారు ఆలయ అధికారులు. మరిన్ని తెలంగాణ వార్తల కోసం ఇక్కడ క్లిక్ చేయండి..