తెలంగాణ అసెంబ్లీ ఎన్నికలకు తేదీ దగ్గరపడుతోంది. దీంతో పార్టీలన్నీ ప్రచారంతో హోరెత్తిస్తున్నాయి. ఇక ఈసారి ఎన్నికల ప్రచారంలో పాటలు దుమ్మురేపుతున్నాయి. అన్ని పార్టీలకు చెందిన వారు పాటలతో ప్రచారంలో వేగాన్ని పెంచుతున్నారు. ఈ పాటలకు అటు పార్టీ కేడర్‌తో పాటు సామాన్య జనాలకు కూడా ఊపు తీసుకొస్తున్నాయి. ఈ క్రమంలోనే తాజాగా ప్రముఖ సింగర్‌ రాహుల్‌ సిప్లిగంజ్‌ స్వయంగా ఓ పాటను రాసి ఆలపించారు. తన అభిమాన నాయకుడు మంత్రి హరీశ్‌ రావుపై అభిమానంతో ప్రత్యేకంగా పాటను రూపొందించారు. పదేళ్లలో కేసీఆర్‌ ప్రభుత్వం సాధించిన విజయాలు, పథకాలను వివరిస్తూ ఈ పాటను చిత్రీకరించారు. ఉద్యమం మొదలు అభివృద్ధి వరకు హరీష్‌ రావు పాత్రను వివరిస్తూ ఈ పాటను రూపొందించారు. ఆదివారం ఏర్పాటు చేసిన బీఆర్‌ఎస్ సభలో హరీష్‌ రావు సమక్షంలోనే ఈ పాటను విడుదల చేశారు. ప్రస్తుతం నెట్టింట ఈ పాట హల్చల్‌ చేస్తోంది.
మరిన్ని తెలంగాణ వార్తల కోసం క్లిక్ చేయండి..