పెళ్లి పీటలపై వరుడి సర్ప్రైజ్.. వధువు షాక్
తమిళ స్టార్ హీరో సూర్య అభిమానుల పట్ల తన ప్రేమను మరోసారి చాటుకున్నారు. ఓ అభిమాని పెళ్లికి సడన్గా హాజరై, వధువును ఆశ్చర్యపరిచారు. భార్యకు మర్చిపోలేని బహుమతి ఇవ్వాలనే వరుడి కోరిక మేరకు సూర్య నిరాడంబరంగా వచ్చి ఆశీర్వదించారు. సూర్యను చూడగానే వధువు ఆనందంతో కంటతడి పెట్టుకుంది. ఈ దృశ్యాలు ప్రస్తుతం నెట్టింట వైరల్గా మారాయి.
తమిళ స్టార్ హీరో సూర్య వెండితెరపైనే కాకుండా నిజజీవితంలోనూ తాను నిజమైన హీరోనని నిరూపించుకున్నారు. తనను ఎంతగానో ఆరాధించే అభిమానుల పట్ల ఆయన ప్రేమను మరోసారి చాటిచెప్పారు. తాజాగా ఓ అభిమాని వివాహ వేడుకకు సడన్గా హాజరై అందరినీ ఆశ్చర్యానికి గురిచేశారు. దీనికి సంబంధించిన దృశ్యాలు ప్రస్తుతం నెట్టింట హల్ చల్ చేస్తున్నాయి. అరవింద్ అనే యువకుడు తన వివాహం సందర్భంగా కాబోయే భార్య కాజల్కు మర్చిపోలేని బహుమతి ఇవ్వాలనుకున్నాడు. కాజల్ కు హీరో సూర్య అంటే ఎనలేని అభిమానం. ఆ ఇష్టాన్ని గౌరవిస్తూ, అరవింద్ తమ పెళ్లికి సూర్యను ఆహ్వానించారు. అయితే, ఈ విషయం వధువుకు అస్సలు తెలియదు. పెళ్లి జరుగుతున్న సమయంలో ఎటువంటి ముందస్తు సమాచారం లేకుండా సూర్య.. ఒక సాధారణ అతిథిలా ఒక్కడే నడుచుకుంటూ వెడ్డింగ్ హాల్లోకి ఎంట్రీ ఇచ్చారు. వైట్ డ్రెస్, కూలింగ్ గ్లాసెస్ ధరించి నిరాడంబరంగా ఆయన వేదిక వద్దకు వచ్చారు. ఊహించని విధంగా తన అభిమాన హీరో కళ్లముందు ప్రత్యక్షమయ్యేసరికి వధువు ఆనందానికి అవధుల్లేకుండాపోయాయి. ఒక్కసారిగా షాకయిన కాజల్ కాసేపు నోరెళ్లబెట్టి చూస్తూ ఉండిపోయారు. ఆ తర్వాత ఆనందంతో ఒక్కసారిగా ఎమోషనల్ అయ్యారు. సూర్య స్వయంగా వధూవరుల దగ్గరకు వెళ్లి, వారి చేతులు పట్టుకుని అభినందనలు తెలిపి మనస్ఫూర్తిగా ఆశీర్వదించారు. సూర్యను చూసినప్పుడు వధువు ఇచ్చిన రియాక్షన్ ఇప్పుడు నెట్టింట వైరల్ అవుతోంది. అభిమాని కోరిక మేరకు పెళ్లికి వచ్చి సూర్య చేసిన పనిని నెటిజన్లు ప్రశంసిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఏపీలో ఇక.. 28 జిల్లాలు.. ఉనికిలోకి రానున్న 2 కొత్త జిల్లాలు
శ్రీవారి భక్తుల కోసం ఫస్ట్ ఎయిడ్ సెంటర్ ఏర్పాటు
కనిగిరికి రైలు.. సాకారమైన 30 ఏళ్ళ కల