పూరి @26..మళ్లీ బౌన్స్ బ్యాక్ అవుతారా..?
26 ఏళ్లుగా సినీ ప్రపంచంలో తనదైన ముద్ర వేసిన దర్శకుడు పూరి జగన్నాథ్ కెరీర్ ఎన్నో ఒడిదొడుకులకు లోనైంది. వరుస వైఫల్యాలతో సవాళ్లను ఎదుర్కొంటున్నప్పటికీ, గతంలో అనేక బ్లాక్ బస్టర్లతో పునరాగమనం చేసిన చరిత్ర ఆయనది. విజయ్ సేతుపతి హీరోగా రాబోతున్న స్లమ్ డాక్ 33 టెంపుల్ రోడ్ సినిమాతో మరోసారి ఘనంగా తిరిగొస్తారని అభిమానులు ఆశిస్తున్నారు.
దర్శకుడు పూరి జగన్నాథ్ సినీ ప్రపంచంలో తనదైన ముద్ర వేసుకున్న వ్యక్తి. ఇన్స్పైరింగ్ సినిమాలు తీయటమే కాదు, తన ప్రయాణాన్నే ఒక ఇన్స్పిరేషనల్ స్టోరీగా మార్చుకున్నారు. ఎన్నో బ్లాక్ బస్టర్ సినిమాలతో ప్రేక్షకులను అలరించడమే కాకుండా, కమర్షియల్ సినిమాలకు, హీరోయిజానికి కొత్త నిర్వచనం చెప్పిన ఘనత పూరిది. వెండితెరపై 26 ఏళ్ల ప్రయాణం పూర్తి చేసుకున్న ఈ క్రేజీ కెప్టెన్, ఒక బ్రాండ్గా సినీ నియమాలను బ్రేక్ చేశారు. సిల్వర్ స్క్రీన్కు సూపర్ స్టార్లను అందించిన గొప్ప దర్శకులలో ఒకరు. అయితే, ఇంతటి ఘనమైన రికార్డు ఉన్న పూరి జగన్నాథ్ ప్రస్తుతం వరుస డిజాస్టర్లతో సవాళ్లను ఎదుర్కొంటున్నారు. లైగర్ వంటి చిత్రాలతో నిరాశపరిచిన ఆయన కెరీర్ కష్టాల్లో ఉంది. కానీ పూరి జగన్నాథ్కు ఇలాంటి పరిస్థితి కొత్త కాదు. గతంలో పోకిరి, టెంపర్, ఇస్మార్ట్ శంకర్ వంటి బ్లాక్ బస్టర్లతో ఆయన అద్భుతమైన కం బ్యాక్ ఇచ్చారు.