బన్నీ టీంలో హాలీవుడ్ మార్కెటింగ్ హెడ్! మనోడి రేంజ్ ఊహించనంత ఎత్తుకే
పుష్ప, పుష్ప 2 సినిమాలతో అల్లు అర్జున్ క్రేజ్ అమాంతం పెరిగిపోయింది. పాన్ ఇండియా రేంజ్ లో ఫేమస్ అయిన ఈ టాలీవుడ్ స్టార్ హీరో ఇప్పుడు పాన్ వరల్డ్ ఇమేజ్ పై దృష్టి సారించాడు. అందుకే ఇప్పుడు అట్లీ దర్శకత్వంలో ఓ సూపర్ హీరో తరహా మూవీలో నటిస్తున్నాడు. ఇందులో బాలీవుడ్ అందాల తార దీపికా పదుకొనే హీరోయిన్గా నటిస్తోంది.
ఈ క్రేజీ ప్రాజెక్టు కోసం ప్రముఖ హాలీవుడ్ ఏజెన్సీలు పనిచేస్తున్నాయి. ఈ క్రమంలోనే హాలీవుడ్ పవర్ హౌస్ గా పిలువబడే అలెగ్జాండ్రా విక్సోంటి కూడా ఈ మూవీ టీంలో జాయిన్ అయ్యారు. దీంతో ఈమె ఎవరంటూ బన్నీ ఫ్యాన్స్ ఇంటర్ నెట్లో తెగ సెర్చ్ చేస్తున్నారు. అల్లు అర్జున్- అట్లీ ప్రాజెక్టును అంతర్జాతీయ స్థాయిలో మార్కెట్ చేయడానికి హాలీవుడ్ స్టూడియోలతో ఒప్పందం కుదుర్చుకుంటున్నారు. ఈ క్రమంలోనే హాలీవుడ్ ప్రముఖ మార్కెటింగ్ ఏజెన్సీ కనెక్ట్ మాబ్ సీన్, అల్లు అర్జున్ సినిమా కోసం పనిచేయనుంది. ఈ ఏజెన్సీకి ఎగ్జిక్యూటివ్ వైస్ ప్రెసిడెంట్ ఆఫ్ క్రియేటివ్ కంటెంట్గా ‘అలెగ్జాండ్రా విస్కోంటి’ పనిచేస్తున్నారు. రీసెంట్గా ఫస్ట్ టైం ఇండియాకు వచ్చిన ఈమె.. ముంబైలో అల్లు అర్జున్, అట్లీని కలుసుకున్నారు. ఈ మూవీని అంతర్జాతీయ స్థాయిలో ప్రమోషన్ చేయడంపై చర్చలు నిర్వహించారు. ఇక ఈ విషయాన్ని కాసేపు పక్కన పెడితే.. అలెగ్జాండ్రాకి హాలీవుడ్లో మంచి గుర్తింపు ఉంది. ఆమె గతంలో ‘అవతార్’, ‘ఫాస్ట్ అండ్ ఫ్యూరియస్’, ‘డ్యూన్’, ‘జురాసిక్ వరల్డ్’, ‘బార్బీ’ వంటి భారీ బడ్జెట్ బ్లాక్బస్టర్ చిత్రాల మార్కెటింగ్ బాధ్యతలు చూసింది. ఈ క్రమంలో ఈమె అల్లు అర్జున్-అట్లీ మూవీని హాలీవుడ్లో మార్కెటింగ్ చేయనున్నారట. అమెరికా, మెక్సికో, కెనడా, హాలీవుడ్ ప్రభావం ఉన్న ఇతర దేశాలలో అల్లు అర్జున్-అట్లీ చిత్రాన్ని అలెగ్జాండ్రా ప్రమోట్ చేయనున్నారు.దీంతో అల్లు అర్జున్ – అట్లీ మూవీ ఇంటర్నేషనల్ రేంజ్లో సత్తా చాటడం పక్కా అనే కామెంట్ వస్తోంది ఇప్పటి నుంచే..!
మరిన్ని వీడియోల కోసం ఇక్కడ క్లిక్ చేయండి
Also Watch:
వరదలో చిక్కుకున్న స్టార్ హీరో.. సాయం కోసం ఎదురుచూపులు
తప్పతాగి.. సాఫ్ట్వేర్ ఉద్యోగిని బెదిరించి.. పరారైన స్టార్ హీరోయిన్