వాకింగ్ తర్వాత ఎంతసేపటికి నీరు తాగాలి ??
ఉదయాన్నే వాకింగ్ చేయడం, వ్యాయామం చేయడం చాలామందికి అలవాటు. వ్యాయామం లేదా వాకింగ్ చేసే సమయంలో దాహం వేయడం కామన్. అయితే చాలామంది వ్యాయామం ఆపిన వెంటనే నీళ్లు తాగుతారు. ఇది సరైనదేనా? వాకింగ్ లేదా వ్యాయామం ఆపగానే వాటర్ తాగడం ఆరోగ్యానికి మంచిది కాదని మీకు తెలుసా? వ్యాయామం చేసిన తర్వాత నీరు తాగడానికి సరైన సమయం, ఓ పద్ధతి ఉందనేది మీలో ఎంతమందికి తెలుసు? దీని గురించి ఇప్పుడు డీటెయిల్గా తెలుసుకుందాం.
నిపుణులు ప్రకారం.. నడిచినప్పుడు లేదా వ్యాయామం చేసినప్పుడు సహజంగానే శరీర ఉష్ణోగ్రత పెరుగుతుంది. చెమట పడుతుంది. ఈ సమయంలో శరీరంలో రక్త ప్రసరణ పెరుగుతుంది. శరీరం చల్లబడటానికి కొంత సమయం పడుతుంది. అందుకే వెంటనే నీరు తాగితే అనేక సమస్యలు తలెత్తుతాయి అంటున్నారు నిపుణులు. శరీర ఉష్ణోగ్రత అకస్మాత్తుగా తగ్గడం వల్ల జలుబు లేదా గొంతు నొప్పి వంటి సమస్యలు వస్తాయి. తీవ్రమైన దాహం కారణంగా ఒకేసారి ఎక్కువ నీరు తాగడం వల్ల కడుపు నొప్పి లేదా తిమ్మిర్లు వస్తాయి. వ్యాయామం అయిన వెంటనే నీరు తాగడం వల్ల జీర్ణక్రియ ప్రక్రియ నెమ్మదిస్తుంది. నిపుణుల అభిప్రాయం ప్రకారం, నడక లేదా ఏదైనా వ్యాయామం ముగించిన 20 నుంచి 30 నిమిషాల తర్వాత మాత్రమే నీరు తాగాలి. ఈ సమయంలో కాసేపు కూర్చొని శరీరాన్ని చల్లబరచాలి. మీ పల్స్ రేటు సాధారణమైనప్పుడు, చెమట ఆగిపోయినప్పుడు నీరు తాగడం సరైనది. అయితే ఒకేసారి ఎక్కువ నీరు తాగడానికి బదులుగా, నెమ్మదిగా సిప్చేస్తూ తాగితే మంచిది. అలాగే వ్యాయామం తర్వాత చల్లటి నీరు తాగడం కంటే గోరువెచ్చని నీరు తాగడం మరింత ప్రయోజనకరంగా ఉంటుంది. శరీరం ఎల్లప్పుడూ హైడ్రేటెడ్ గా ఉండాలంటే, వాకింగ్, వ్యాయామం తర్వాత మాత్రమే కాదు, రోజంతా పుష్కలంగా నీరు తాగాలి. ఎక్కువగా చెమట పడుతుంటే మీరు సాదా నీటికి బదులుగా కొబ్బరి నీరు లేదా నిమ్మకాయ నీరు కూడా తాగవచ్చు. సరైన సమయంలో సరైన పద్ధతిలో నీరు తాగడం వల్ల మీ శరీరం కోలుకోవడంలో సహాయపడుతుంది. మీకు ఆరోగ్య ప్రయోజనాలను కూడా అందిస్తుంది. అందుకే నడక నుండి తిరిగి వచ్చినప్పుడు కొంతసేపు వేచి ఉండి, ఆపై నెమ్మదిగా నీరు తాగాలి.
మరిన్ని వీడియోల కోసం ఇక్కడ క్లిక్ చేయండి
Also Watch:
గంటకు 320 కిలోమీటర్ల వేగం.. భారత్లో దూసుకెళ్లనున్న బుల్లెట్ రైలు
తాళ్లపాక చెరువులో చెట్లు తొలగిస్తుండగా.. బయటపడింది చూసి ఆశ్చర్యపోయిన జనం