800+ సిబిల్‌ స్కోరు కొందరికే.. ఎందుకిలా?

సిబిల్‌ స్కోరు రేంజ్‌ 300 నుంచి 900 వరకు ఉంటుంది. 800 కంటే ఎక్కువ సిబిల్‌స్కోరు ఉన్నవారు ఎక్సలెంట్‌ కేటగిరీ కిందకు వస్తారు. కానీ, 800, అంతకంటే ఎక్కువ క్రెడిట్ స్కోరు ఉన్నవారు 20 శాతం లోపే ఉంటారని అంచనా. చాలామంది 700 నుంచి 800 మధ్య రేంజ్‌లోనే ఉంటారు. పేమెంట్‌ హిస్టరీ, క్రెడిట్‌ యుటిలైజేషన్‌ రేషియో, క్రెడిట్‌ హిస్టరీ లెంగ్త్‌ వంటి అంశాలు స్కోరును ప్రభావితం చేస్తాయి. ఇందులో ఏ ఒక్క విషయంలో పొరపాటు జరిగినా 800 స్కోరు చేరుకోవడం కష్టమే. దేశంలో ఇప్పటికీ క్రెడిట్‌ స్కోరు లేనివారు చాలామందే ఉన్నారు. సకాలంలో చెల్లింపులు చేయకపోవడం, దీర్ఘకాలంలో క్రెడిట్‌ హిస్టరీ లేకపోవడంతో చాలామంది 800+ స్కోర్‌ పొందలేకపోతున్నారు. కేవలం సంపన్నులు, ఆర్థిక వ్యవహారాలపై అవగాహన ఉన్నవాళ్లు మాత్రమే మెరుగైన క్రెడిట్‌ స్కోరును సాధిస్తున్నారు.మీ క్రెడిట్‌ స్కోరు పెరగాలంటే క్రెడిట్‌ కార్డు బిల్లులు, ఈఎంఐలు, ఇతర రుణాలను సకాలంలో చెల్లించాలి. క్రెడిట్‌ స్కోరు గణనలో పేమెంట్‌ హిస్టరీ ప్రభావం 30 నుంచి 35 శాతంగా ఉంటుందంటున్నారు ఆర్థిక నిపుణులు.