Viral Video: ఇదేం పోయే కాలం.. ఇలాంటి వాళ్లను ఏమనాలి బ్రో.. రీల్‌ కోసం చీరకే నిప్పటించుకుంది

Viral Video: ఈ మధ్య కాలంలో రీల్స్‌ పిచ్చి మరింత ముదిరిపోతోంది. రకరకాల రీల్స్‌ చేస్తూ సోషల్‌ మీడియాలో పోస్టు చేసుకుంటున్నారు. కొన్ని రీల్స్‌ అయితే ప్రాణాలను తెగించి మరి చేస్తున్నారు. ఇలాంటి వాళ్లను ఏమనాలో కూడా తెలియదు. ఇలాంటి పిచ్చి పిచ్చి రీల్స్‌ చేసే వారిపై నెటిజన్లు తీవ్ర స్థాయిలో మండిపడుతున్నారు. తాము ఏదో పెద్ద గొప్ప పని చేసినట్లుగా తెగ బిల్డప్‌లు ఇస్తున్నారు.

ఎంతో మంది తమ ప్రాణాలను కూడా లెక్క చేయకుండా ప్రమాదంలో పడేస్తున్నారు. ప్రమాదకర విన్యాసాలు, పిచ్చిపిచ్చి వేశాలు ప్రమాదంలో నెట్టేస్తున్నాయి.

@more_fun_007 అనే ఇన్‌స్టాగ్రామ్ హ్యాండిల్‌‌లో ఈ వీడియో షేర్ అయ్యింది. ప్రస్తుతం ఈ వీడియో వైరల్‌ అవుతోంది. ఈ వీడియోలో ఓ మహిళా తెల్ల చీర కట్టుకుని తన చీర పైటకు నిప్పంటించుకుంది. చీర మండుతుండగానే ఆమె డ్యాన్స్ చేస్తోంది. అంతేకాదు పైటను అటూ ఇటూ తిప్పుతూ తెగ స్టెప్పులేస్తోంది. పక్కనే నిలబడి ఉన్న ఒక వ్యక్తి ఈ ప్రమాదకరమైన వీడియోను తన కెమెరాలో బంధించాడు. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది. ఆ వైరల్ వీడియోను వేల మంది వీక్షించారు. ఈ వీడియోను చూసిన నెటిజన్లు ఏకిపారేస్తున్నారు.

కొందరైతే ఇలాంటి వాళ్లను ఏం చేయాలి అంటూ కామెంట్లు చేస్తున్నారు. వ్యూస్ కోసం ప్రజలు తమ ప్రాణాలను పణంగా పెడుతున్నారని, ఇలాంటి సరదాగా చేసే వీడియోలు ప్రాణాల మీదకే వస్తుందంటున్నారు.