ఓరీ దేవుడో మనిషి ఎత్తుకంటే పొడవైన పంజా గుర్తులు..! ఏ జీవిదో తెలిస్తే..
ఆస్ట్రేలియాలో 130 మిలియన్ సంవత్సరాల నాటి భారీ డైనోసార్ పాదముద్రలు కనుగొనబడ్డాయి. పశ్చిమ ఆస్ట్రేలియాలోని డాంపియర్ ద్వీపకల్పంలో గుర్తించిన ఈ జాడలు 1.7 మీటర్ల పొడవుతో ప్రపంచంలోనే అతిపెద్ద డైనోసార్ పాదముద్రగా గిన్నిస్ రికార్డును సొంతం చేసుకున్నాయి. సౌరోపాడ్ డైనోసార్కు చెందిన ఈ అడుగులు క్రెటేషియస్ యుగం నాటి ప్రాచీన జీవనం, పర్యావరణంపై విలువైన అంతర్దృష్టులను అందిస్తాయి, ఈ ప్రాంతాన్ని కీలకమైన పాలియోంటాలజికల్ ల్యాండ్మార్క్గా మారుస్తాయి.
130 మిలియన్ సంవత్సరాల ప్రాచీన డైనోసార్ పాదముద్రలను గుర్తించారు శాస్త్రవేత్తలు. ఇవి చాలా పెద్దవి. సుమారు 6అడుగుల మనిషి ఎత్తుకు సమానంగా ఉన్నాయని శాస్త్రవేత్తలు ప్రకటించారు. ఆస్ట్రేలియాలోని వెస్ట్రన్ ఆస్ట్రేలియా రాష్ట్రంలోని డాంపియర్ ఉపద్వీపంలో ఉన్న నురగాల రత్న శిలాస్థలాల్లో 130 మిలియన్ సంవత్సరాల క్రీటేషియస్ యుగానికి చెందిన డైనోసార్ పాదముద్రాలను గుర్తించారు. ఈ ఫుట్ప్రింట్స్ చాలా పెద్దవిగా ఉన్నాయి. వాటి పొడవు సుమారు 1.7 మీటర్లు ఇంచుమించు 5.5 అడుగులు ఉండటం వల్ల ఆ జీవి ఏకంగా మనుషుల కంటే ఎంత పెద్దదో తెలుస్తున్నట్లు శాస్త్రవేత్తలు చెప్పారు. ఇది శాస్త్రవేత్తలను కూడా ఆశ్చర్యపరిచేలా చేసింది.
డాంపియర్ ద్వీపకల్పంలోని ఒక మారుమూల తీరప్రాంతం ఆస్ట్రేలియాలో ఇప్పటివరకు వెలుగులోకి రాని, అతి ముఖ్యమైన డైనోసార్ శిలాజ ప్రదేశాలలో ఒకటిగా మారింది. ఈ ప్రాంతాన్ని అధ్యయనం చేస్తున్న శాస్త్రవేత్తలు అపారమైన డైనోసార్ పాదముద్రలు ఉన్నాయని నిర్ధారించారు. కొన్ని 1.75 మీటర్ల పొడవు వరకు ఉన్నాయని గుర్తించారు.. ఈ జంతువుల ఒక్క అడుగు నిలబడి ఉన్న మనిషిని సులభంగా మింగేసేదిగా ఉందని చెప్పారు.. ఈ జాడలు సుమారు 130 మిలియన్ సంవత్సరాల నాటివిగా చెబుతున్నారు. ప్రారంభ క్రెటేషియస్ కాలం నాటివిగా అంచనా వేశారు. దీంతో ఇప్పటి వరకు నిశ్శబ్దంగా ఉన్న ఇంటర్టైడల్ రీఫ్ ఇప్పుడు ప్రపంచ పాలియోంటాలజికల్ ల్యాండ్మార్క్గా గుర్తించబడింది.
ఈ గుర్తు పొడవాటి మెడ గల శాకాహార జంతువు అయిన సౌరోపాడ్ డైనోసార్కి చెందినదిగా భావిస్తున్నారు. ఇది చిత్తడి నేలలో పడింది. అక్కడ నేల మృదువుగా ఉండటంతో నేల లోతుగా చొప్పించుకుపోయింది. అందుకే ఈ రోజు వరకు దాని పంజా గుర్తు స్పష్టంగా కనిపిస్తుందని చెప్పారు.
శాస్త్రవేత్తల ప్రకారం, ఈ ఆవిష్కరణ ప్రారంభ క్రెటేషియస్ కాలం నాటిది. ఆ సమయంలో గోండ్వానా సూపర్ ఖండం ఇప్పటికీ కలిసే ఉంది. ఈ గుర్తులు ఆ సమయంలో ఈ ప్రాంతంలో వివిధ రకాల పెద్ద డైనోసార్లు సంచరించాయని సూచిస్తున్నాయి. ఈ పంజా అతిపెద్ద డైనోసార్ పాదముద్రగా గిన్నిస్ వరల్డ్ రికార్డ్లను కలిగి ఉంది. ఆస్ట్రేలియాలో ఇంతకు ముందు పెద్ద పాదముద్రలు గుర్తించారు. కానీ ఇది ఇప్పటివరకు ఉన్నవాటిలో అతిపెద్దది. ఈ ఆవిష్కరణ డైనోసార్ల పరిమాణం, బలం గురించి కొత్త అవగాహనను అందిస్తుందని వెల్లడించారు.
తాజాగా కనిపించిన డైనోసార్ ఆనవాళ్లు భూమి పురాతన పర్యావరణం, వాతావరణం, జీవ రూపాల గురించి మన అవగాహనకు దోహదపడుతుందని శాస్త్రవేత్తలు విశ్వసిస్తున్నారు. ఇది డైనోసార్లు ఇంకా పెద్దవిగా ఉన్నాయా అనే ప్రశ్నను కూడా లేవనెత్తుతుంది. ఈ పంజా కేవలం రాతిపై ఉన్న గుర్తు కాదు, భూమి పురాతన కాలం నుండి వచ్చిన నిశ్శబ్ద కథ. ఈ ఆస్ట్రేలియన్ ఆవిష్కరణ డైనోసార్ల రహస్యాన్ని మరింత లోతుగా అధ్యయనం చేసేలా, మరింత ప్రత్యేకంగా చేస్తుందని చెప్పారు.
మరిన్ని ట్రెండింగ్ న్యూస్ కోసం క్లిక్ చేయండి..